Soda urushigha qarimay xitayning amérikigha qilghan éksporti dawamliq köpeygen

Muxbirimiz erkin
2018-07-13
Élxet
Pikir
Share
Print

Amérika-xitay otturisidiki soda urushida her ikki terep bir-birining 34 milyard dollarliq mehsulatigha baj qoyghan bolsimu, lékin xitayning amérikigha chiqarghan éksport mehsulati dawamliq éship mangghan.

Roytérs agéntliqining xewiride, bu ehwalning soda urushini téximu kücheytishi mumkinliki bildürüldi. Prézidént trampning jazalash tedbiri xitayni intayin passip ehwalgha chüshürüp qoyghan.

Xitayning mu'awin soda ministiri wang shawwén peyshenbe küni tramp hökümitini söhbet élip bérishqa chaqirghan idi. Lékin, amérika maliye ministiri myunichinning bildürüshiche, "Peqet xitay qurulma xaraktérlik özgertish élip barsila, amérika uning herqandaq waqitta söhbet élip bérishqa teyyarken".

Roytérs agéntliqining xewiride körsitilishiche, bu yilning deslepki 6 éyida xitayning amérikigha chiqarghan éksport mehsulati ötken yilqidin 13.6 Pirsent ashqan. Shuning bilen birge amérikining xitaygha chiqarghan éksport mehsulatida 11.8 Pirsent artish körülgen.

Amérikining xitay bilen bolghan sodida ötken yilning deslepki 6 éyidiki qizil reqimi 117.51 Milyard dollar idi. Lékin, bu yilning deslepki 6 éyida qizil reqem dawamliq artip 133.76 Milyard dollargha chiqqan.

Prézidént tramp xitayning adaletsiz riqabet muhiti yaritish we amérikining eqliy mülkini oghrilash, amérika karxanilirini téxnika ötünüp bérishke mejburlap, amérikini zor ziyan'gha uchratqanliqini ilgiri sürüp, ötken hepte uning 34 milyard dollarliq mehsulatigha baj qoyghan. U ötken hepte yene xitayning 500 milyard dollarliq mehsulatigha baj qoyushi mumkinlikini bildürgen idi.

Toluq bet