Америка сода министирлиқи йәнә 24 хитай ширкитини қара тизимликкә киргүзди

Мухбиримиз җәвлан
2020-08-26
Елхәт
Пикир
Share
Принт

26-Авғуст, америка сода министирлиқиниң тор бетидә хәвәр қилинишичә, америка сода министирлиқи санаәт вә бихәтәрлик идариси хитайниң җәнубий деңизда һәрбий арал ясишиға ярдәм бәргән 24 ширкитини қара тизимликкә киргүзгән.

Америка сода министири вилбур рус (Wilbur Ross)бу һәқтә мундақ дегән: «америка, хитайниң қошнилири вә хәлқара җәмийәт хитайниң җәнубий деңизда игилик һоқуқ талишиши вә һәрбийләр үчүн сүний арал пәйда қилишини әйбләп кәлгәниди. Хитайниң шу сүний арални қуруп чиқиши үчүн һәссә қошқан бу ширкәтләр бүгүн һесаб бериши керәк».

Хитай һөкүмити 2013-йилдин башлап, америка вә башқа дөләтләрниң қаршилиқиға қаримай җәнубий деңизниң талаш-тартиш астидики 7 җайида 3000 инглиз мосидин ашидиған сүний арал бәрпа қилип, у йәргә һава мудапиәси вә башқурулидиған бомбиға қарши һәрбий әслиһәләрни орунлаштуруп, американиң бу райондики иттипақдашлириниң игилик һоқуқиға таҗавуз қилғаниди. Филиппин соти 2016-йил 7-айда хитайниң бу қилмишини филипинниң игилик һоқуқиға таҗавуз қилғанлиқ дәп һөкүм қилғаниди.

Америка сода министирлиқи санаәт вә бихәтәрлик идарисиниң бу тизимликигә киргән ширкәтләр американиң дөләт бихәтәрлики вә чәт әлдики мәнпәәтлиригә хәтәр йәткүзидиған һәрикәтләргә қетилғанлиқи үчүн җазалинидикән, уларниң америкаға һәр қандақ мәһсулатни експорт қилиши, техника яки қурулуш түрлири киргүзүши чәклинидикән.

Пикирләр (0)
Share
Толуқ бәт