Amérika soda ministirliqi yene 24 xitay shirkitini qara tizimlikke kirgüzdi

Muxbirimiz jewlan
2020-08-26
Élxet
Pikir
Share
Print

26-Awghust, amérika soda ministirliqining tor bétide xewer qilinishiche, amérika soda ministirliqi sana'et we bixeterlik idarisi xitayning jenubiy déngizda herbiy aral yasishigha yardem bergen 24 shirkitini qara tizimlikke kirgüzgen.

Amérika soda ministiri wilbur rus (Wilbur Ross)bu heqte mundaq dégen: "Amérika, xitayning qoshniliri we xelq'ara jem'iyet xitayning jenubiy déngizda igilik hoquq talishishi we herbiyler üchün sün'iy aral peyda qilishini eyblep kelgenidi. Xitayning shu sün'iy aralni qurup chiqishi üchün hesse qoshqan bu shirketler bügün hésab bérishi kérek".

Xitay hökümiti 2013-yildin bashlap, amérika we bashqa döletlerning qarshiliqigha qarimay jenubiy déngizning talash-tartish astidiki 7 jayida 3000 in'gliz mosidin ashidighan sün'iy aral berpa qilip, u yerge hawa mudapi'esi we bashqurulidighan bombigha qarshi herbiy eslihelerni orunlashturup, amérikaning bu rayondiki ittipaqdashlirining igilik hoquqigha tajawuz qilghanidi. Filippin soti 2016-yil 7-ayda xitayning bu qilmishini filipinning igilik hoquqigha tajawuz qilghanliq dep höküm qilghanidi.

Amérika soda ministirliqi sana'et we bixeterlik idarisining bu tizimlikige kirgen shirketler amérikaning dölet bixeterliki we chet eldiki menpe'etlirige xeter yetküzidighan heriketlerge qétilghanliqi üchün jazalinidiken, ularning amérikagha her qandaq mehsulatni éksport qilishi, téxnika yaki qurulush türliri kirgüzüshi cheklinidiken.

Toluq bet