Amérika-xitay soda munasiwitide “Yumshash” ning ipadiliri körülmekte

Roytérs agéntliqining xewirige qarighanda, amérika bilen xitay otturisidiki jiddiychilikke tolghan soda munasiwiti hemde bu sewebtin yamanlishishqa yüz tutqan weziyette “Yumshash” körülüshke bashlighan.

Birleshme agéntliqning xewer qilishiche, amérikaning soda ministiri rus wilbur düshenbe küni béyjingda ziyarette bolghan hemde xitay bash ministiri li kéchyang bilen söhbette bolghan. U bu heqte söz qilip: “Biz yéqin kelgüside ikki terep munasiwitide katta mehsulatning otturigha chiqishini ümid qilimiz”, dégen. Alaqidar melumatlar, ros wilburning bu qétimqi béyjing ziyaritining donald trampning noyabir éyidiki sherqiy jenubiy asiya sepiride béyjinggha kélishi üchün teyyarliq qilishni meqset qilghanliqini ilgiri sürmekte.

Melum bolushiche, amérika hökümiti xitayning soda pa'aliyetlirini tenqidlep, xitaydin shimaliy koréyege téximu qattiqraq bésim ishlitishni telep qilghandin kéyin, ikki terep munasiwitide jiddiychilik körülgen idi.