Amérika-xitay soda urushining keskinlishishi xitay zawutlirini ishchilarni qisqartishqa mejbur qilghan

Muxbirimiz sada
2018-12-26
Élxet
Pikir
Share
Print

Bu yil 7-aydin buyan amérikining xitaygha yuqiri ösümlük tamozhna béji qoyushi bilen xitaydiki nurghun zawutlarda xizmetke orunlishish qiyin bolushtek bir weziyetni keltürüp chiqarghan.

"Maliye waqti" gézitining 26-dékabirdiki xewirige qarighanda, xitayning shénjén shehiride ish izdewatqan nurghun xitay ishlemchiler izchil muwapiq xizmet tapalmighan. Ular ipade bildürüp, "Hazir junggo amérika bilen soda urushi qiliwatidu. Bizdek puqralar hökümetning siyasetlirining qurbani bolup kétip barimiz," dégen.

Xewerde qeyt qilinishiche, xitayning shénjén shehiridiki ishchilar we ishqa qobul qilghuchilar xitayning iqtisadida muhim rol oynaydighan shénjén'gha oxshash ishlepchiqirish we éksport merkizi hésablinidighan mushundaq bir sheherde zawutlargha ishqa orunlishishning qiyinliship ketkenlikidin qattiq narazi bolghan, hetta kona ishchilarmu ishqa orunlishish tes bolush weziyitining ötken 10 yilgha qarighanda téximu nacharlishishqa qarap yüzlen'genlikini bildürgen.

Közetküchilerning bildürüshiche, xitayning iqtisadi soda urushi partlashtin burunla töwenlishishke bashlighan bolup, bu asasliqi hökümetning izchil maliye we turalghu-öy bölikidiki dawalghushni azaytish urunushidin bolghan iken. Halbuki, döletning iqtisadida ötken bir nechche yil ichidila eng éghir astilash yüz bergen.

Toluq bet