Amérikaning 200 milyard dollarliq xitay mallirigha chégra béji qoymaqchi bolghanliqi xitayni endishige salmaqta

Muxbirimiz irade
2018-08-02
Élxet
Pikir
Share
Print

Amérika xitay mallirigha qaratqan chégra béjini östürüshi mumkinlikini élan qilghandin kéyin, xitayning bir qisim rehberliri bes-bes bilen söz qilip, amérikini "Özini tutuwélishqa" chaqirghan.

1-Awghust küni tramp hökümiti xitaygha qoyulidighan 200 milyardliq dollarliq soda béjini eslidiki 10 pirsenttin 25 pirsentke chiqirishi mumkinlikini élan qilghan idi. Amérika soda wekili robért léthizér shu künidiki bayanatida amérika prézidénti trampning özliridin xitaygha qoyulidighan bajni östürüshni oyliship körüshni éytqanliqini bildürgen we "Biz xitaygha bezi heriketlirini özgertishi kéreklikini intayin éniq otturigha qoyduq. Epsuski, xitay özining ziyanliq heriketlirini özgertishning ornigha qanunsiz halda amérikaliq emgekchiler, déhqanlar, yéza-igilik xojayinliri we amérika shérketlerdin öch almaqta," dégen. 

Xitay tashqi ishlar ministiri wang yi buninggha derhal inkas qayturup, soda béjini östürgen teqdirde mal bahasi örlep, amérika istémalchilirigha ziyan béridighanliqini ilgiri sürgen. U sözide "Biz amérikini soghuqqan bolup, amérikaliq istémalchilar we xelq'ara jama'etning awazigha qulaq sélishqa chaqirimiz," dégen. 

Xitayning soda ministirliqi bu heqte élan qilghan bayanatida, ikki döletning soda urushining nurghun döletlerge ziyan béridighanliqini bildürüp, amérikini bu yoldin qaytishqa dewet qilghan. 

Halbuki, sénator marko rubiyo we amérika soda ministiri wilbor rus qatarliqlar trampning chégra béjini östürmekchi bolushini qollap, shundaq qilmighanda xitayning tijaret uslubini özgertkili bolmaydighanliqini éytqan.

Toluq bet