Amérika: “Xitay bilen bolghan sodining aziyishi ijabiy tereqqiyat bolushi mumkin”

Amérika bilen xitayning ötken bir yilliq import-éksport sodisi 17 pirsent azayghan. Nöwette, amérika emeldarliri xitay bilen bolghan sodining aziyishining ijabiy bir tereqqiyat bolushi mumkinlikini bildürmekte. Amérikaning soda ishliridiki aliy emeldari katérin tay) Katherine Tai (b b s gha qilghan sözide, xitay bilen bolghan sodining aziyishining “Passip tereqqiyat emesliki, belki bu her ikki terep üchün köp xillishishning ijabiy ipadisi bolushi mumkinliki” ni éytqan. Xewerlerde, 2023-yili amérika-xitay ikki döletning bir-birige satqan tawarlirining  omumi miqdarining 17 pirsent azayghanliqi bildürülmekte. B b s ning qeyt qilishiche, sodidiki bu perq amérika xitayda ishlepchiqirilghan téxnikiliq aptomobillarni amérikaliqlarning shexsi sanliq uchurlirini toplishi we yiraqtin kontrol qilip, amérika dölet bixeterlikige tehdit peyda qilishi momikin, dégen endishe bilen tekshürüshni qarar qilishi bilen bir waqitta qayta otturigha chiqqan.

Nöwette, xitay aptomobil shirketliri dunyaning bashqa döletliride dawamliq kéngiyiwatqan bolsimu, emma amérikaning xitay aptomobillirigha 25 pirsent baj qoyushi, uning amérikada tereqqiy qilishini tosqanidi. Aqsarayning xitay aptomobillirini tekshürüsh qarari, uning amérika bazirigha kirishini ilgirilep tosidighanliqi qeyt qilinmaqta. Xewerlerde éytilishiche, aqsaray xitay aptomobillirini tekshürüsh qararini “Misli körülüp baqmighan” dep sherhligen, shundaqla buni xitayning chet el aptomobillirini cheklesh siyasitige qaritilghan adil inkas, dep körsetken. Xewerlerde, amérikaning 2023-yili xitaydin sétiwalghan omumi mehsulatining 427 milyard dollargha chüshüp, 20 pirsenttin artuqraq töwenligenliki, oxshash bir waqitta uning xitaygha satqan mehsulatlirining 148 milyard dollar bolup, 4 pirsent töwenligenliki bildürülmekte. Melum bolushiche, amérika bilen xitayning omumi sodisi 2022-yili eng yuqiri rékort yaratqan bolup, uning 2023-yili töwenlishi nurghun amérika shirketlirining ishlepchiqirishini xitaydin bashqa döletlerge yötkishi we tamozhna béjidin bolghan iken.