Amérika we xitayning tashqi ishlar emeldarliri washin'gtonda körüshken

Washin'gtondin muxbirimiz irade teyyarlidi
2024.05.30

30-May peyshenbe küni, amérikaning mu'awin tashqi ishlar ministiri kurt kampbél bilen xitayning mu'awin tashqi ishlar ministiri ma jawshu washin'gtonda körüshken.

Roytérs agéntliqining xewer qilishiche, amérika tashqi ishlar ministirliqi bu heqtiki bayanatida, “Bu uchrishish, amérika-xitay munasiwitidiki riqabetni mes'uliyetchanliq bilen idare qilish üchün bir yildin buyan élip bériliwatqan keskin diplomatiyening bir qismi, ” dep körsetken.

Amérika tashqi ishlar ministirliqining mu'awin bayanatchisi wédant patél muxbirlarni kütüwélish yighinidiki sözide yene, “Amérika we uning G7, yawropa ittipaqi we shimaliy atlantik ehdi teshkilatigha eza bolghan shérik döletlirining hemmisi xitayning rusiyeni qollishini ‛ukra'inaning bixeterlikige tehdit bolupla qalmay, belki yene yawropaning xewpsizlikigimu tehdit, dégen qarashta ikenliki‚” ni bildürgen. U yene: “Eger xitay rusiyening dölet mudapi'e sana'itini qollashni toxtatmisa, amérika yenimu ilgiriligen halda tedbir qollinishqa teyyarlinidu” dégen.

Melum bolushiche, xitayning mu'awin tashqi ishlar ministiri ma jawshu 5-ayning 30-künidin 6-ayning 2-künigiche amérikada ziyarette bolidiken.

Amérika mu'awin tashqi ishlar ministiri kurt kampbél xitayning mu'awin tashqi ishlar ministiri bilen bolidighan bu uchrishishning aldida qilghan sözide, “Xitayning rusiyeni yardem bilen teminlishi, rusiyening yiraq musapilik bashqurulidighan bomba, zembirek, uchquchisiz ayropilan we iz qoghlash qatarliq herbiy iqtidarlirini janlandurushigha paydiliq boluwatidu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.