Америка дөләт мудапиә министирлиқи әмәлдари: «америка хитай билән уруш қилишқа тәйяр туруши керәк»

Мухбиримиз әркин
2020-02-24
Елхәт
Пикир
Share
Принт

Америка дөләт мудапиә министирлиқиниң юқири дәриҗилик бир әмәлдари американиң хитай билән уруш қилишқа тәйяр туруши керәкликини билдүргән. яху ториниң хәвәр қилишичә, америка дөләт мудапиә министирлиқиниң мәзкур әмәлдари американиң йеңи қоралларни тәрәққи қилдуруп, иттипақдаш дөләтләр билән болған алақини күчәйтиши, дөләт мудапиә министирлиқиниң үнүмдарлиқини өстүрүп, хитай билән болидиған һәрбий тоқунуш еһтималлиқиға тәйяр туруши керәкликини тәкитлигән. Бу сөзләрни америка дөләт мудапиә министирлиқиниң муавин ярдмчи министири чад брагиа «америка-хитай иқтисади вә бихәтәрлик көзүтүш комитети» ниң өткән һәптә өткүзүлгән гуваһлиқ йиғинида қилған. Чад брагиа илгири американиң бейҗиңда турушлуқ һәрбий әмәлдари болған.

У, өткән һәптидики гуваһлиқ йиғинида агаһландуруп, «мундақчә ейтқанда хитай билән тоқунуш партлашниң хәвпи наһайити зор. . . . . . . . . Бу узун бир мәнзил. Биз наһайити әқиллиқ болушимиз керәк» дегән. Униң тәкитлишичә, хитай хәлқ азадлиқ армийәси тәдриҗи күчийиватқан әшәддий рәқип болуп, у мисли көрүлүп бақмиған йеңи имканийәтләргә игә болуп, өзиниң узун йиллиқ хирисини әмәлгә ашурмақтикән. Чад брагиа, бу имканийәтләр хитай вә хитай хәлқ азадлиқ армийәсиниң һәрбий күчини пүтүн йәршариға кеңәйтиши вә американиң мәнпәәтигә үнүмлүк хирис қилишиға мумкинчилик яритип бериватқанлиқини билдүргән. Униң тәкитлишичә, америка униңға тақабил турушта юқири аваздин юқири тезликтики қоралларни, сүний әқил, робот, йәни машина адәм вә лазер нурилиқ қоралларни өз ичигә алған техиму көп «әҗәллик зәрбә бериш вә бәрдашлиқ бериш күчи зор бирләшмә қисимларни қуруши һәм орунлаштуруши керәк» икән.

Пикирләр (0)
Share
Толуқ бәт