Amérika tashqi ishlar ministirliqi kishilik hoquq depsendichilikige chétishliq xitay emeldarlirigha wiza bermeslik qoshumche cheklimisini élan qildi

Muxbirimiz jewlan
2020-12-21
Share

Amérika tashqi ishlar ministirliqi 21-dékabir özining tor bétide amérika tashqi ishlar ministiri mayk pompéyoning kishilik hoquq depsendichilikige chétishliq xitay emeldarlirigha wiza bermeslik qoshumche cheklimisini élan qildi.

"Xitay mustebitliri öz xelqining pikir erkinliki, diniy étiqad erkinliki, tinch namayish qilish erkinliki qatarliq hoquqlirini depsende qildi. Dölitimiz bu xil jinayetlerni sadir qilghuchilarni qarshi almaydu" dégen jümle bilen bashlan'ghan bu bayanatnamide, mayk poméyo amérikaning "Köchmenler we dölet teweliki qanuni" ning munasiwetlik maddilirigha asasen, omumen kishilik hoquqni depsende qilish jinayiti ötküzgen, uninggha shérik bolghan, siyaset belgiligen we ijra qilghan xitay emeldarliri we ularning a'ile-tawabi'atlirigha wiza bermeslik cheklimisi qoyghanliqini élan qilghan.

Bu qarar amérika hökümitining, téximu köp xitay kommunistlirini öz xelqini basturghanliq qilmishi üchün jazalighanliqi bolup, ilgiri Uyghur rayoni we tibettiki bir nechche xitay emeldarigha wiza cheklimisi we iqtisadiy jaza yürgüzgen bolsa, bu qétim kishilik hoquqqa xilapliq qilish jinayitige chétishliq barliq xitay emeldarlirini, meyli qeyerdila bolsun jazalash üchün bu qoshumche cheklimini élan qilghan.

Mayk pompéyo bu bayanatnamisde yene xitay hökümitidin öz hoquqini qoghdash üchün tinchliq yoli bilen küresh qilghan kishilerni, jümlidin ilham toxtini derhal qoyup bérishni telep qilghan hemde xitay hökümitini "Dunya kishilik hoquq xitabnamisi" gha emel qilip, öz puqralirini eqelliy kishilik hoquq we erkinliktin behrimen qilishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet