Amérika we yaponiye hökümetliri shimaliy koréyege iqtisadiy jaza qoyushqa kélishken

Muxbirimiz jüme
2017.05.27

Aqsarayning bayanatigha qarighanda, amérika we yaponiye da'iriliri shimaliy koréyening yadro qoralliri tetqiqati we bashqurulidighan bomba sinaqlirini üzlüksiz élip barghanliqigha qarshi ulargha yene bir qatar iqtisadiy jaza qoyushqa kélishken.

Aqsaray jüme küni élan qilghan bayanatta mundaq déyildi: “Prézidént tramp we bash wezir shinzo abé shimaliy koréyege qaritilghan iqtisadiy jazani kücheytish mesiliside öz'ara hemkarlishishqa kélishti. Bular shimaliy koréyening bashqurulidighan bomba we yadur programmilirigha yardemde boluwatqan iqtisadiy gewdilerni bayqash we ularni iqtisadiy jazalash qatarliqlarni öz ichige alidu.”

Bayanatta körsitishiche, ular amérika-yaponiye ittipaqliqini téximu kücheytip, öz döletlirining shimaliy koréyedin kélidighan tehditlerge taqabil turush iqtidarini ilgiri sürüsh mesilisi heqqidimu kélishken.

Shimaliy koréyening bashqurulidighan bomba we yadur tehditidi barghanche kücheygendin kéyin, amérika özining eng ilghar bashqurulidighan bomba qalqan sistémisi “Yuqiri boshluq hawa mudapi'e términali”-“THAAD” ni jenubiy koréyege yötkigen.

Yaponiyemu shimaliy koréyedin kélidighan bomba tehditige sezgür mu'amile qilip kéliwatqan idi.

Yaponiye ötken ay yapon déngizida amérika bilen birliship bir herbiy manéwir ötküzgen. Manéwirgha yaponiyening urush paraxotliri we amérikining yadur matorluq karl winson namliq awi'amatkisi qatnashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.