Америка японийәни қоғдайду

Мухбиримиз үмидвар
2014-04-06
Share


Америка дөләт мудапиә министири чак хәйгел вашингтонниң японийәгә икки данә башқурулидиған бомбидин мудапиә көрүш парахоти әвәтип, шималий корийәдин келиватқан тәһдиткә тақабил туридиғанлиқини билдүрди.

Америка авазиниң хәвәр қилишичә, америка дөләт мудапиә министири хәйгел бу сөзини йәкшәнбә күни токйода японийә мудапиә министири итсинори онодера билән сөһбәт өткүзүп болғандин кейин ейтқан.

Мәзкур икки данә башқурулидиған бомбидин мудапиәлиниш парахоти 2017 - йили японийәгә әвәтилидикән . У йәнә америка қошма штатлириниң японийәгә қаратқан һәрбий қоллишини ашуридиғанлиқни тәкитлиди.

Хәйгел сөзидә хитай мәсилиси һәққидә тохтилип, хитайни қудрәтлик дөләт дәп атиди, бирақ у хитайниң өз қошнилирини һөрмәт қилишини тәкитлиди. Бу, хитайниң җәнубий деңиздики араллар мәсилисидә филиппин, японийә вә башқа әлләргә тутқан муамилисигә қаритилған иди.

Б б с агентлиқиниң хәвәр қилишичә, 5 - апирилдики сөзидә хәйгел американиң японийәни қоғдайдиғанлиқини тәкитлигән шуниңдәк русийәниң украина вә қирим мәсилисигә тутқан қилмишлирини тәнқид қилған.

Хәйгел японийә сәпиридин кейин хитай вә моңғулийәдә зиярәттә болмақчи

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт