Amérika bilen yaponiye Uyghur rayonida mejburiy emgekke séliniwatqanlarning hoquqi toghruluq söhbetleshken

Washin'gtondin muxbirimiz jewlan teyyarlidi
2024.02.21

Uyghur rayonidiki mejburiy emgek mesilisi amérika bilen yaponiyening teminlesh zenjiride ishlewatqan ishchilarning hoquqini qoghdash mesilisidiki eng halqiliq nuqta bolup kelmekte iken.

En'gliyening “Toqumichiliq téxnikisi zhurnili” (Ecotextile) 20-féwral küni élan xewerde éytilishiche, amérika bilen yaponiye teminlesh zenjiridiki kishilik hoquq we xelq'ara emgek ölchimi, bolupmu Uyghur rayonida mejburiy emgekke séliniwatqan ishchilarning hoquqini qoghdash heqqide söhbetleshken. Söhbette “Teminlesh zenjiridiki kishilik hoquqni ilgiri sürüsh we xelq'ara emgek ölchimi xizmet guruppisi” ning ötken bir yilliq xizmetliri we buningdin kéyinki pilanliri muzakire qilin'ghan.

2023-Yil 1-ayda amérika soda wekili katrina tey (Katherine Tai) bilen yaponiye maliye weziri nishimura yasutoshi (Nushimura Yasutoshi) birlikte imzalighan kélishimdin kéyin qurulghan “Teminlesh zenjiridiki kishilik hoquqni ilgiri sürüsh we xelq'ara emgek ölchimi xizmet guruppisi” ötken yil ish bashlighan bolup, uning asasliq wezipisi tashqi soda siyasiti arqiliq kishilik hoquq we emgek hoquqini qoghdash iken.

Amérika kommunizm qurbanliri xatire fondining aliy tetqiqatchisi adriyan zénz 14-féwral küni élan qilghan doklatida, dunyadiki paxta mehsulatining 5 tin birini ishlepchiqiridighan Uyghur rayonidiki mejburiy emgekning dawamliq éghirlishiwatqanliqini otturigha qoyghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.