Besh burjeklik binaning istratégiye doklatida "Xitay bilen rusiye eng chong tehdit" déyilgen

Muxbirimiz méhriban
2018-01-19
Share

19-Yanwar küni amérikining besh burjeklik binasi, yeni dölet mudapi'e binasi istratégiye doklati élan qilip, xitay bilen rusiyening amérikigha nisbeten eng xewplik tehdit ikenlikini tekitligen. Doklatta yene xitay bilen rusiyedin ibaret bu derijidin tashqiri ikki chong döletning bash kötürüshi amérikining güllinishi we bixeterliki üchün "Yadroluq riqabet" shekillendüridu, déyilgen.

"Amérika awazi" radi'osining 19-yanwardiki xewiride mundaq déyilgen: "Mezkur doklatta döletler ara riqabette térrorizm mesilisi emes, belki amérikining dölet bixeterlikining tehditke uchrawatqanliqining diqqet nuqtisi bolushi kérekliki tekitlen'gen." xewerde yene mundaq déyilgen: "Shu nerse barghanche éniq boluwatiduki, xitay we rusiye dunyani özlirining hakimmutleqliq modéli boyiche özgertmekchi boluwatidu. Bu ikki dölet nöwette bashqa döletlerning iqtisadiy, diplomatiye we dölet bixeterliki qatarliq sahelirini monopol qilishqa urunuwatidu." 

Radiyomiz xitay bölümining 19-yanwar künidiki xewiride yene amérika dölet mudapi'e ministiri jim mattisning besh burjeklik binada échilghan amérika dölet mudapi'e istratégiyisi yighinida amérikining xitay we rusiyedin kélidighan tehditke yüzliniwatqanliqi heqqidiki sözlirini neqil keltürgen.

Jim mattis bayanida "Amérika nöwette xitay we rusiye terepning barghanche kücheytiwatqan tehditige duch kelmekte," dégen. U yene agahlandurup, "Biz xitay bilen rusiyening adettin tashqiri chong dölet we herbiy küch bolushtek tehditige duch kéliwatimiz. Xitay bilen rusiye nöwette özlirining hakimmutleqliq modélini dunyagha ülge qilmaqchi boluwatidu. Amérikining herbiy küchi yenila intayin qudretlik, emma bizning riqabettiki ewzellikimiz herbiy küch sélishturmisining herqaysi qatlamlirida alliqachan dexli-teruzgha uchrawatidu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet