Уйғурларниң сиясий тарихиға аит материяллар американиң даңлиқ университетлирида дәрслик программисиға киргүзүлидикән

Мухбиримиз җәвлан
2022.04.22
Share on WhatsApp
Share on WhatsApp

Уйғурлар мәсилисиниң муһим сиясий һадисә сүпитидә дуня күнтәртипидин орун елишиға әгишип, уйғурларниң өтмүши вә бүгүнки әһвали, җүмлидин уйғур кризисиға мунасивәтлик илмий әсәрләр американиң даңлиқ университетлирида дәрслик программисиға киргүзүлмәкчи болған.

Игилинишичә, бу университетлар ичидә америка җорҗ тавн университети, йел университети қатарлиқ даңлиқ университетларниң тарих, сиясәт факултетлири уйғуршунас тәтқиқатчи вә тарихчиларниң әсәрлирини дәрслик материяллири қилип ишлитишкә башлиған.

Уйғур районидики кризисниң келиш сәвәби, ирқий қирғинчилиқниң арқа көрүнүши тарихий нуқтидин тәһлил қилинған бу ачқучлуқ материяллар ичидә җорҗ тавн университетиниң тарих профессори җәмес милвард (James Millward) ниң “явроасияниң кесишкән йоли −шинҗаң тарихи” намлиқ китаби, җорҗ вашингтон университетиниң профессори шан робертс (Sean Roberts) ниң “уйғурларға қилинған һуҗум: хитайниң шинҗаң мусулманлириға қарши һәрикити” намлиқ китаби, америкалиқ инсаншунас, уйғур мәдәнийити тәтқиқатчиси дәррен байлер (Darren Byler) ниң “лагер: хитайниң юқири техникилиқ сүргүн җайи” намлиқ китаби қатарлиқ китаблар бар икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт