Uyghurlarning siyasiy tarixigha a'it matériyallar amérikaning dangliq uniwérsitétlirida derslik programmisigha kirgüzülidiken

Muxbirimiz jewlan
2022-04-22
Share

Uyghurlar mesilisining muhim siyasiy hadise süpitide dunya küntertipidin orun élishigha egiship, Uyghurlarning ötmüshi we bügünki ehwali, jümlidin Uyghur krizisigha munasiwetlik ilmiy eserler amérikaning dangliq uniwérsitétlirida derslik programmisigha kirgüzülmekchi bolghan.

Igilinishiche, bu uniwérsitétlar ichide amérika jorj tawn uniwérsitéti, yél uniwérsitéti qatarliq dangliq uniwérsitétlarning tarix, siyaset fakultétliri Uyghurshunas tetqiqatchi we tarixchilarning eserlirini derslik matériyalliri qilip ishlitishke bashlighan.

Uyghur rayonidiki krizisning kélish sewebi, irqiy qirghinchiliqning arqa körünüshi tarixiy nuqtidin tehlil qilin'ghan bu achquchluq matériyallar ichide jorj tawn uniwérsitétining tarix proféssori jemés milward (James Millward) ning “Yawro'asiyaning késishken yoli −shinjang tarixi” namliq kitabi, jorj washin'gton uniwérsitétining proféssori shan robérts (Sean Roberts) ning “Uyghurlargha qilin'ghan hujum: xitayning shinjang musulmanlirigha qarshi herikiti” namliq kitabi, amérikaliq insanshunas, Uyghur medeniyiti tetqiqatchisi derrén baylér (Darren Byler) ning “Lagér: xitayning yuqiri téxnikiliq sürgün jayi” namliq kitabi qatarliq kitablar bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet