Вискансин штатидики демократлар милярдер чамас палипахитияниң уйғурлар һәққидики сөзи сәвәблик ианиниси қайтуривәткән

Мухбиримиз әркин
2022-01-21
Share

Американиң вискансин штатидики демократлар америка сода саһәсидики милярдер, “NBA алтун штат җәңчилири” васкетбол командисиниң пай чәк һәссидари чамас палихапитияниң уйғурлар һәққидики намувапиқ сөзи түпәйли униң сияси ианисини қайтуп бәргән.

“вашингтон әркин маяк” гезитиниң хәвәр қилишичә, демократлар партийәси вискансин шөбисидикиләр 19-январ күни чамас палихапитияниң өткән йили уларға ианә қилған 10 миң доллар сияси ианисини зиянкәшликкә учриған уйғурларға ярдәм қиливатқан бир хәйр-сахавәт орниға ианә қилғанлиқини билдүргән.

Хәвәрдә йәнә вискансин штатидики демократларниң америка кеңәш палатаси кандидати ‍алекис ласриниңму чамас палихапитияниң бу йил униң сайлам риқабитигә бәргән 2900 доллар сияси ианисини қайтуруветидиғанлиқини елан қилғанлиқи тәкитләнгән. Чамас палихапития өзиниң башқурушидики “һәммә ‍ичидә” намлиқ син программисиниң өткән һәптидики нәқ мәйдан сөһбитидә уйғурлар һәққидики суалға “бизниң уйғурлар билән немә каримиз”, “бу ишлар мән үчүн алдин ойлишидиған мәсилиләр әмәс” дәп җавап бәргән. Униң сөзи америка җамаәт пикириниң қаттиқ тәнқидигә учрап, бу мәсилә америкадики шу күнлүк әң чоң муназирә темисиға айланған.

Һәтта кеңәш палата әзаси там коттон язма баянат елан қилип, америка васкетбол бирләшмиси NBA ни чамасниң “алтун штат җәңчилири” дики пай чәк һәссисини сетишқа мәҗбурлашни чақирған. Там каттон “бәлким у ирқий қирғинчилиқ билән кари йоқ, шундақ рәһимсиз бирси болуши мумкин. Бирақ америка хәлқиниң кари бар” дәп көрсәткән. “вашингтон әркин маяк” гезитиниң ейтишичә, чамас палихапития илгири президент байденниң сайлам риқабитигә 250 миң доллар, кеңәш палатасиниң көп санлиқлар рәһбири чак шумерға 750 миң доллар сиясий ианә бәргән икән. Хәвәрдә йәнә униң кеңәш палата әзаси елзабет варренни өз ичигә алған демократчилар партийәсиниң нурғун сиясәтчилиригә ианә бәргәнлики тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт