Wiskansin shtatidiki démokratlar milyardér chamas palipaxitiyaning Uyghurlar heqqidiki sözi seweblik i'aninisi qayturiwetken

Muxbirimiz erkin
2022-01-21
Share

Amérikaning wiskansin shtatidiki démokratlar amérika soda sahesidiki milyardér, “NBA Altun shtat jengchiliri” waskétbol komandisining pay chek hessidari chamas palixapitiyaning Uyghurlar heqqidiki namuwapiq sözi tüpeyli uning siyasi i'anisini qaytup bergen.

“Washin'gton erkin mayak” gézitining xewer qilishiche, démokratlar partiyesi wiskansin shöbisidikiler 19-yanwar küni chamas palixapitiyaning ötken yili ulargha i'ane qilghan 10 ming dollar siyasi i'anisini ziyankeshlikke uchrighan Uyghurlargha yardem qiliwatqan bir xeyr-saxawet ornigha i'ane qilghanliqini bildürgen.

Xewerde yene wiskansin shtatidiki démokratlarning amérika kéngesh palatasi kandidati ‍alékis lasriningmu chamas palixapitiyaning bu yil uning saylam riqabitige bergen 2900 dollar siyasi i'anisini qayturuwétidighanliqini élan qilghanliqi tekitlen'gen. Chamas palixapitiya özining bashqurushidiki “Hemme ‍ichide” namliq sin programmisining ötken heptidiki neq meydan söhbitide Uyghurlar heqqidiki su'algha “Bizning Uyghurlar bilen néme karimiz”, “Bu ishlar men üchün aldin oylishidighan mesililer emes” dep jawap bergen. Uning sözi amérika jama'et pikirining qattiq tenqidige uchrap, bu mesile amérikadiki shu künlük eng chong munazire témisigha aylan'ghan.

Hetta kéngesh palata ezasi tam kotton yazma bayanat élan qilip, amérika waskétbol birleshmisi NBA ni chamasning “Altun shtat jengchiliri” diki pay chek hessisini sétishqa mejburlashni chaqirghan. Tam katton “Belkim u irqiy qirghinchiliq bilen kari yoq, shundaq rehimsiz birsi bolushi mumkin. Biraq amérika xelqining kari bar” dep körsetken. “Washin'gton erkin mayak” gézitining éytishiche, chamas palixapitiya ilgiri prézidént baydénning saylam riqabitige 250 ming dollar, kéngesh palatasining köp sanliqlar rehbiri chak shumérgha 750 ming dollar siyasiy i'ane bergen iken. Xewerde yene uning kéngesh palata ezasi élzabét warrénni öz ichige alghan démokratchilar partiyesining nurghun siyasetchilirige i'ane bergenliki tekitlen'gen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet