Америка авам палатасида "уйғур мәҗбурий әмгикиниң алдини елиш қануни" қайта тонуштурулди

Мухбиримиз ирадә
2021-02-18
Share

18-Феврал пәйшәнбә күни "уйғур мәҗбурий әмгикиниң алдини елиш қануни" америка авам палатасида қайта тонуштурулди.

Бу қанун лайиһәсиниң йеңиланған нусхиси алдинқи айда кеңәш палатасида тонуштурулған иди.

Ройтерс агентлиқиниң хәвәр қилишичә, мәзкур қанун лайиһәси мақулланған тәқдирдә америка президентиға уйғурларни мәҗбурий әмгәккә селишқа четишлиқ һәрқандақ кишигә җаза тәдбири қоллиниш һоқуқи берилидикән. Шундақла хитайдин мал тәминләватқан америка шеркәтлиригә мәһсулатниң келиш мәнбәсини тәкшүрүш, малийә хатирилирини ашкарилаштәк тәләпләр қоюлидикән.

Демократлар партийәсиниң вәкили җим макговерн бу қанун лайиһәсини қайта тонуштурғанда уйғур елидики иқтисадни "мәҗбурий әмгәк вә бастуруш асасида қурулған" дәп тәсвирлигән. У йәнә мундақ дегән: "нурғунлиған америка шеркәтлири, хәлқаралиқ шеркәтләр вә хитай ширкәтлири мәҗбурий әмгәктин пайда еливатиду. Мәҗбурий әмгәк асасидики мәһсулатлар йәр шари тәминләш зәнҗирлиригә вә дөлитимизгә давамлиқ кириватиду. Дөләт мәҗлисимиз буниңға аллибурун тәдбир қоллиниши керәк иди."

"уйғур мәҗбурий әмгикиниң алдини елиш қануни" америка авам палатасида һәр икки партийә вәкиллириниң күчлүк қоллишиға еришкән қанун лайиһәсидур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт