Amérika awam palatasida "Uyghur mejburiy emgikining aldini élish qanuni" qayta tonushturuldi

Muxbirimiz irade
2021-02-18
Share

18-Féwral peyshenbe küni "Uyghur mejburiy emgikining aldini élish qanuni" amérika awam palatasida qayta tonushturuldi.

Bu qanun layihesining yéngilan'ghan nusxisi aldinqi ayda kéngesh palatasida tonushturulghan idi.

Roytérs agéntliqining xewer qilishiche, mezkur qanun layihesi maqullan'ghan teqdirde amérika prézidéntigha Uyghurlarni mejburiy emgekke sélishqa chétishliq herqandaq kishige jaza tedbiri qollinish hoquqi bérilidiken. Shundaqla xitaydin mal teminlewatqan amérika shérketlirige mehsulatning kélish menbesini tekshürüsh, maliye xatirilirini ashkarilashtek telepler qoyulidiken.

Démokratlar partiyesining wekili jim makgowérn bu qanun layihesini qayta tonushturghanda Uyghur élidiki iqtisadni "Mejburiy emgek we basturush asasida qurulghan" dep teswirligen. U yene mundaq dégen: "Nurghunlighan amérika shérketliri, xelq'araliq shérketler we xitay shirketliri mejburiy emgektin payda éliwatidu. Mejburiy emgek asasidiki mehsulatlar yer shari teminlesh zenjirlirige we dölitimizge dawamliq kiriwatidu. Dölet mejlisimiz buninggha alliburun tedbir qollinishi kérek idi."

"Uyghur mejburiy emgikining aldini élish qanuni" amérika awam palatasida her ikki partiye wekillirining küchlük qollishigha érishken qanun layihesidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet