Amérika tashqi ishlar ministirliqi Uyghurlarni amérikagha qobul qilinidighan musapirlar tizimlikige kirgüzgen

Amérika hökümiti xitaygha qayturup bérilish éhtimalliqi mewjut döletlerdiki Uyghurlarni amérikaning bu yil qobul qilinidighan musapirlar tizimlikige kirgüzgen. Amérika tashqi ishlar ministirliqining ashkarilishiche, prézidéntning amérika dölet mejlisige yollighan 2021-yilliq xam chot yilidiki musapir qobul qilish pilanigha alaqidar doklatida bu yil jiddiy orunlashturushqa tégishlik xewp astidiki musapirlarning ichige Uyghurlarnimu kirgüzülgen. Mezkur pilan yéqinda amérika dölet mejlisining awam we kéngesh palatalirining alaqidar komitétlirigha yollan'ghan.

Hökümetning dölet mejlisige yollighan mezkur pilanida, "Xitayning zulumi we qiyin-qistaqliridin qachqan Uyghur we bashqa étnik, diniy az sanliqlar izchil köpiyip, amérikigha orunlashturush barghanséri jiddiy mesilige aylandi" déyilgen. Prézidént baydén bu ayning bashlirida amérikagha musapir qobul qilishni köpeytish toghrisidiki bir memuri xam chot buyruqigha imza qoyup, amérikagha bu yil 65 ming musapir qobul qilishni, buning 2022-yili 125 minggha yetküzüshni telep qilghanidi.

Hökümetning pilanida qeyt qilinishiche, "Tashqi ishlar ministirliqi musapirlar sanini köpeytish ularni orunlashturushqa kapaletlik qilishning eng ünümlük charisi, dep qarap, xitaydin kelgen Uyghur we zulumgha uchrighan bashqa étnik, diniy az sanliqlargha yardem qilishning barliq yollirini oylashmaqtiken".

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar