Amérikadiki ikki partiye kishilik hoquq mesiliside xitaygha bésim qilishta birlikke kelgen
Amérika tekshürüsh orgini tori 6-aprél élan qilghan bir doklatta bildürülüshiche, amérikadiki démokratlar partiyesi bilen jumhuriyetchiler partiyesi wekilliri meyli qanchilik iqtisadiy ziyan bolushidin qet'iynezer, kishilik hoquq mesiliside xitaygha bésim qilishqa qoshulghan.
-
Muxbirimiz jewlan
2021-04-07 -
-
-
Amérika tekshürüsh orgini tori 6-aprél élan qilghan bir doklatta bildürülüshiche, amérikadiki démokratlar partiyesi bilen jumhuriyetchiler partiyesi wekilliri meyli qanchilik iqtisadiy ziyan bolushidin qet'iynezer, kishilik hoquq mesiliside xitaygha bésim qilishqa qoshulghan.
Mezkur tekshürüsh orgini élan qilghan sanliq melumatqa qarighanda, her qandaq iqtisadiy bedelge qarimay xitaydiki kishilik hoquq ehwalini yaxshilashni qollaydighan amérikaliqlar 70 pirsentni, jumhuriyetchiler 72 pirsentni, démokratlar 69 pirsentni igileydiken. Bu tekshürüsh netijisi chiqishning aldi-keynide, baydén hökümitimu xitay bilen bolidighan munasiwitide kishilik hoquq mesilisini aldinqi orun'gha qoyidighanliqini bildürgen.
Ray sinash netijisige qarighanda, 84 prsent amérikaliq xitaydiki kishilik hoquq siyasiti amérika üchün chataq mesile dep qaraydiken, buning ichide 50 pirsent kishi bu nahayiti éghir mesile dep qaraydiken. Beshtin bir qisim amérikalqlar xitay dégen haman kishilik hoquq mesilisini, buning ichide 3 pirsent adem Uyghurlar, irqiy qirghinchiliq we yighiwélish lagérlirini tilgha alidiken.