Америка дөләт мудапийә министирлиқиму уйғурлар мәсилисини тилға алмақта

Мухбиримиз әзиз
2019-04-17
Елхәт
Пикир
Share
Принт

16-Апрел күни вашингтон шәһиридики әң даңлиқ ақиллар мәркизиниң бири болған худсон мәркизидә өткүзүлгән явропа иттипақиниң хитай вә америка билән болған мунасивити темисидики муһакимә йиғинида уйғурлар мәсилиси йәнә бир қетим тилға елинди.

Бу қетимқи муһакимә йиғининиң әзиз меһманлиридин америка дөләт мудапийә министирлиқиниң һинди-тинч окян райони бихәтәрлик ишлириға мәсул муавин мудапийә министири рандал шрайвир американиң хитай вә явропа иттипақи билән болған мунасивити һәққидә тохтилип, «шинҗаңдики инсанийәт тирагедийәси ташқий дуняға намәлум һаләттә турмақта,» деди.

Уйғурлар дуч келиватқан сиясий бастуруш һәққидә хитай һөкүмитини әйибләп сөз қилғанлар ичидә америка һөкүмитигә қарашлиқ һәрқайси министирлиқларниң министирлири вә алий дәриҗилик әмәлдарлири болсиму, америка дөләт мудапийә министирлиқидин техи һечким бу тоғрилиқ еғиз ечип бақмиған иди.

Алақидар затлар бу һәқтә тохтилип, «рандал шрайвирдәк бир алий дәриҗилик әмәлдарниң ағзидин бу сөзниң чиқиши зор әһмийәткә игә,» дейишмәктә.

Пикирләр (0)
Share
Толуқ бәт