Amérika dölet mudapiye ministirliqimu Uyghurlar mesilisini tilgha almaqta

Muxbirimiz eziz
2019-04-17
Élxet
Pikir
Share
Print

16-Aprél küni washin'gton shehiridiki eng dangliq aqillar merkizining biri bolghan xudson merkizide ötküzülgen yawropa ittipaqining xitay we amérika bilen bolghan munasiwiti témisidiki muhakime yighinida Uyghurlar mesilisi yene bir qétim tilgha élindi.

Bu qétimqi muhakime yighinining eziz méhmanliridin amérika dölet mudapiye ministirliqining hindi-tinch okyan rayoni bixeterlik ishlirigha mes'ul mu'awin mudapiye ministiri randal shraywir amérikaning xitay we yawropa ittipaqi bilen bolghan munasiwiti heqqide toxtilip, "Shinjangdiki insaniyet tiragédiyesi tashqiy dunyagha namelum halette turmaqta," dédi.

Uyghurlar duch kéliwatqan siyasiy basturush heqqide xitay hökümitini eyiblep söz qilghanlar ichide amérika hökümitige qarashliq herqaysi ministirliqlarning ministirliri we aliy derijilik emeldarliri bolsimu, amérika dölet mudapiye ministirliqidin téxi héchkim bu toghriliq éghiz échip baqmighan idi.

Alaqidar zatlar bu heqte toxtilip, "Randal shraywirdek bir aliy derijilik emeldarning aghzidin bu sözning chiqishi zor ehmiyetke ige," déyishmekte.

Toluq bet