Америка ташқи ишлар министирлиқи хитайниң уйғурларға йүргүзүватқан зулумлирини қаттиқ тәнқидлимәктә

Мухбиримиз ирадә
2020-07-02
Елхәт
Пикир
Share
Принт

Америка ташқи ишлар министирлиқи 1-июл күни хитай һөкүмитиниң уйғурларға йүргүзүватқан зулумлири һәққидә бир қисқа видийо тарқатти.

Мәзкур видийо америка ташқи ишлар министирлиқи «шинҗаңдики сода тәминат зәнҗири һәққидә тәвсийә» ни елан қилған күндә тарқитилди. Видийода хитай һөкүмитиниң уйғур елидә бир милйондин ошуқ кишини лагерларға қамиғанлиқи, буниң уйғур дияридики һәр 14 кишидин бириниң мәҗбурий һалда аилә һаятидин мәһрум қилинғанлиқидин дерәк беридиғанлиқи баян қилинған.

Видийода йәнә хитай һөкүмитиниң уйғурларға аит сан-санақсиз мәсҗит вә мазарлиқларни һәм шундақла башқа нурғун диний орунларни вәйран қилғанлиқи вә уларни уйғурлар һаятидин өчүргәнлики қәйт қилинған.

Видийода йәнә мундақ дейилгән: «динға ишиниш, дини йосунда кийиниш вә һәтта ана тилиңизда сөзләшму хитай һакимийити тәрипидин йоқитилмақта. Хитайға шундақ дәңларки, һечқандақ бир кишиниң миллий, мәдәний вә диний кимлики йоқитилмаслиқи керәк.»

Америка ташқи ишлар министири майк помпейому шу күни өзиниң тивиттердики һесабида уйғурлар учраватқан зулум һәққидә тохтилип, мундақ дәп язған: «хитай һөкүмитиниң уйғур елидики зулумлири улар билән тиҗарәт қиливатқан ширкәтләрни зулумға шерик болуштин ибарәт хәвпкә иттириду. Ширкәтләр чоқум өзиниң инавитигә тақишидиған вә шундақла өзини иқтисадий вә қануний җәһәттин хәтәргә сөрәйдиған ишлардин сақлиниши керәк, униңға шерик болмаслиқи керәк.»

Пикирләр (0)
Share
Толуқ бәт