Amérika tashqi ishlar ministirliqi xitayning Uyghurlargha yürgüzüwatqan zulumlirini qattiq tenqidlimekte

Muxbirimiz irade
2020-07-02
Élxet
Pikir
Share
Print

Amérika tashqi ishlar ministirliqi 1-iyul küni xitay hökümitining Uyghurlargha yürgüzüwatqan zulumliri heqqide bir qisqa widiyo tarqatti.

Mezkur widiyo amérika tashqi ishlar ministirliqi "Shinjangdiki soda teminat zenjiri heqqide tewsiye" ni élan qilghan künde tarqitildi. Widiyoda xitay hökümitining Uyghur élide bir milyondin oshuq kishini lagérlargha qamighanliqi, buning Uyghur diyaridiki her 14 kishidin birining mejburiy halda a'ile hayatidin mehrum qilin'ghanliqidin dérek béridighanliqi bayan qilin'ghan.

Widiyoda yene xitay hökümitining Uyghurlargha a'it san-sanaqsiz mesjit we mazarliqlarni hem shundaqla bashqa nurghun diniy orunlarni weyran qilghanliqi we ularni Uyghurlar hayatidin öchürgenliki qeyt qilin'ghan.

Widiyoda yene mundaq déyilgen: "Din'gha ishinish, dini yosunda kiyinish we hetta ana tilingizda sözleshmu xitay hakimiyiti teripidin yoqitilmaqta. Xitaygha shundaq denglarki, héchqandaq bir kishining milliy, medeniy we diniy kimliki yoqitilmasliqi kérek."

Amérika tashqi ishlar ministiri mayk pompéyomu shu küni özining tiwittérdiki hésabida Uyghurlar uchrawatqan zulum heqqide toxtilip, mundaq dep yazghan: "Xitay hökümitining Uyghur élidiki zulumliri ular bilen tijaret qiliwatqan shirketlerni zulumgha shérik bolushtin ibaret xewpke ittiridu. Shirketler choqum özining inawitige taqishidighan we shundaqla özini iqtisadiy we qanuniy jehettin xeterge söreydighan ishlardin saqlinishi kérek, uninggha shérik bolmasliqi kérek."

Toluq bet