Америка ташқи ишлар министирлиқи баянатчиси ортагус: «биз пүтүн дуняни америка билән биргә шинҗаңдики бастурушни әйибләшкә чаириқимиз»

Мухбиримиз әркин
2020-07-10
Елхәт
Пикир
Share
Принт

Америка ташқи ишлар министирлиқиниң баянатчиси морган ортагус 9-июл видийода баянат елан қилип, пүтүн дуняни хитайниң уйғур дияридики бастурушини әйибләшкә чақирди. Ортагус ханим баянатида өзлириниң «йеқинда хитай компартийәсиниң шинҗаңдики уйғур вә башқа аз санлиқ милләтләрни бастуруш һәрикитидә аялларға қарита мәҗбурий туғмас қилиш, зорлаш характерлик бала чүшүрүш вә нопус контроли елип бериватқанлиқи тоғрисида чөчитәрлик доклат тапшуруп алғанлиқи» ни билдүргән.

Униң тәкитлишичә, бу доклатта рәсмий һөҗҗәтләр нәқил кәлтүрүлгән болуп, буниң билән хитай компартийәси садир қиливатқан қорқунчлуқ кишилик һоқуқ дәпсәндичиликиниң тизимлики техиму көпәйгән. Ортагус мундақ дәйду: «хитай компартийәси шинҗаңда етник вә диний аз санлиқларни нишан қилип, уларға қарита наһәқ тутқун қилиш, сиясий меңә ююш, тән җазаси, тәқипләш, мәҗбурий әмгәк, аилиләрни айриветиш, диний вә мәдинийәт ипадилирини бастуруш һәм башқа кишилик һоқуқ дәпсәндичиликлирини елип барди».

У, американиң бу дәпсәндичиликни тәнқид қилиш биләнла қалмиғанлиқи, униңға қарши һәрикәт қолланғанлиқи, америка ширкәтлирини өзлириниң мал тәминат зәнҗирини пакиз тутушқа чақирғанлиқи, буниңға четишлиқ кишиләрниң америкиға киришини чәкләп, хитай компартийәсиниң бу қорқунчлуқ һәркитигә четишлиқ мәһсулатларни тосуп қойғанлиқини билдүрүп: «биз пүтүн дуняни америкаға қетилип, хитай компартийәсиниң шинҗаңда кишилик һоқуқни бастурватқанлиқини тәнқидләшкә, түп кишилик һоқуқ вә әркинлик үчүн дәс турушқа чақиримиз» дегән.

Пикирләр (0)
Share
Толуқ бәт