Amérika tashqi ishlar ministirliqi bayanatchisi ortagus: "Biz pütün dunyani amérika bilen birge shinjangdiki basturushni eyibleshke cha'iriqimiz"

Muxbirimiz erkin
2020-07-10
Élxet
Pikir
Share
Print

Amérika tashqi ishlar ministirliqining bayanatchisi morgan ortagus 9-iyul widiyoda bayanat élan qilip, pütün dunyani xitayning Uyghur diyaridiki basturushini eyibleshke chaqirdi. Ortagus xanim bayanatida özlirining "Yéqinda xitay kompartiyesining shinjangdiki Uyghur we bashqa az sanliq milletlerni basturush herikitide ayallargha qarita mejburiy tughmas qilish, zorlash xaraktérlik bala chüshürüsh we nopus kontroli élip bériwatqanliqi toghrisida chöchiterlik doklat tapshurup alghanliqi" ni bildürgen.

Uning tekitlishiche, bu doklatta resmiy höjjetler neqil keltürülgen bolup, buning bilen xitay kompartiyesi sadir qiliwatqan qorqunchluq kishilik hoquq depsendichilikining tizimliki téximu köpeygen. Ortagus mundaq deydu: "Xitay kompartiyesi shinjangda étnik we diniy az sanliqlarni nishan qilip, ulargha qarita naheq tutqun qilish, siyasiy ménge yuyush, ten jazasi, teqiplesh, mejburiy emgek, a'ililerni ayriwétish, diniy we mediniyet ipadilirini basturush hem bashqa kishilik hoquq depsendichiliklirini élip bardi".

U, amérikaning bu depsendichilikni tenqid qilish bilenla qalmighanliqi, uninggha qarshi heriket qollan'ghanliqi, amérika shirketlirini özlirining mal teminat zenjirini pakiz tutushqa chaqirghanliqi, buninggha chétishliq kishilerning amérikigha kirishini cheklep, xitay kompartiyesining bu qorqunchluq herkitige chétishliq mehsulatlarni tosup qoyghanliqini bildürüp: "Biz pütün dunyani amérikagha qétilip, xitay kompartiyesining shinjangda kishilik hoquqni basturwatqanliqini tenqidleshke, tüp kishilik hoquq we erkinlik üchün des turushqa chaqirimiz" dégen.

Toluq bet