Американиң уйғур дияридики 4 хитай әмәлдариға имбарго қоюши хәлқара таратқуларниң күчлүк инкасини қозғиди

Мухбиримиз әркин
2020-07-10
Елхәт
Пикир
Share
Принт

Америка һөкүмитиниң 9-июл күни чен чүәнго қатарлиқ хитайниң уйғур дияридики 4 нәпәр әмәлдариға имбарго қоюши хәлқара таратқуларда күчлүк инкас қозғиди.

BBC Ниң хәвиридә хитайниң уйғур вә башқа милләтләрни кәң көләмлик тутқун қилиш, диний бастуруш вә мәҗбурий туғмас қиливетиш билән әйибләңәнлики, хитай компартийәси сияси бюросиниң әзаси болған чен чүәнгониң һазирға қәдәр америка имбарго қойһан әң юқири дәриҗилик хитай әмәлдари икәнликини билдүргән. 

CNN Ниң бу һәқтики хәвиридә трамп һөкүмитиниң хитай әмәлдарлириға уларниң «шинҗаң районидики уйғур мусулманлирини вә башқа аз санлиқ топлуқларни тутқун қилиш, қийин-қистаққа елишқа иштирак қилғанлиқи сәвәблик қарши һәрикәт қолланғанлиқи» тәкитләңән. «Вашингтон почтиси» гезитиниң хәвиридә тәкитлишичә, «юқири дәриҗилик (хитай) әмәлдарлириниң америкаға киришини чәкләш қарари трамп һөкүмитиниң хитай билән корона вируси юқуми, кишилик һоқуқ, хоңкоң вә сода мәсилилиридики мунасивити яманлишип кәткән мәзгилдә алған бир қатар җиддий һәрикәтлириниң әң йеңиси,» икән

«Ню-йорк вақти гезити» ниң бу һәқтики хәвиридә бу қарарниң «шинҗаңда йүз миңлиған мусулман етник милләтләр тутқун қилинип, лагерларға қамалған сиясәтниң түзүлиши вә иҗра қилинишида һалқилиқ рол ойниған хитай әмәлдарларни нишан қилғанлиқи» тәкитләңән. «Әл-җәзирә» ниң хәвиридә америка кеңәш палата әзаси марко рубийониң бу қарарниң «хели узун вақит кечиккәнлики» вә «техиму көп тәдбирләрниң елиниши керәклики» ни билдүргәнлики тәктиләңән. Америка ташқий ишилар министирлиқи 9-июл чен чүәнго, ваң миңшән, җу хәйлун вә хо люҗүн қатарлиқ хитайниң уйғур дияридики 4 нәпәр әмәлдариға имбарго қойғанлиқини елан қилған иди.

Пикирләр (0)
Share
Толуқ бәт