Morgan ortagus: "Diplomatlirimizning shinjangda kim bilen uchrishishni xalisa, shuninggha yol qoyulushi kérek"

Muxbirimiz erkin
2020-07-20
Élxet
Pikir
Share
Print

Amérika tashqi ishlar ministirliqi bayanatchisi morgan ortagus xanim 20-iyul xitaygha twittérda inkas qayturup, xitayda turushluq amérika diplomatlirining tibet we Uyghur diyarigha erkin ziyaret qilishi we kim bilen uchrishishni xalisa shuning bilen uchrishishigha yol qoyushi kéreklikini bildürdi. Ortagus xanim bu sözlerni xitay tashqi ishlar ministirliqi bayanatchisi xu'a chünyingning ötken hepte élan qilghan amérika tashqi ishlar ministiri pompéyoning "Shinjangni ziyaret qilishini qarshi alidighanliqi" heqqidiki bayanatigha qarita éytqan.

Morgan ortagus inkasida amérikadiki blumbérg agéntliqining bu heqtiki xewirini qoshup tiwittér qildi. Xu'a chünying ötken heptiki bayanatida mayk pompéyogha hujum qilghan. U mayk pompéyoni Uyghur mesiliside "Yalghan" sözlesh bilen eyiblep, "Eger pompéyo ependi semimiy bolsa uning shinjangni ziyaret qilip, kishiler bilen sözliship béqishini we shinjangdiki kishilerning uning heqqide qandaq oylaydighanliqini hés qilip béqishini qarshi alimiz" dégen. Lékin ortagus xanim 20-iyul uninggha qayturghan inkasida, xitayning Uyghur diyari we tibetke bundaq köp cheklime qoyushida némini yoshurmaqchi boluwatqanliqigha so'al qoydi.

U inkasida: "Bizning xitayda diplomatlirimiz bar, xuddi silerning diplomatliringlar amérikada erkin yürgendek ularningmu shinjang we tibetni sayahet qilip, kim bilen körishishni xalisa shuning bilen körüshüshige yol qoyulsun. Néme üchün bundaq köp cheklime qoyulidu?, siler némini yoshurmaqchi?" dégen. Xitay hökümiti bashqa dölet emeldarlirining Uyghur diyarida ziyarette bolushini qarshi alidighanliqini tekitlep kelgen bolsimu, lékin uninggha shert qoyup, ularning xalighan jayni ziyaret qilishini ret qilip kelgenidi.

Toluq bet