Amérika dölet ishliri ministiri 6 Uyghur zhurnalistning a'ile-tawabi'atlirining tutqun qilinish mesilisini tilgha aldi

Muxbirimiz shöhret hoshur
2018-07-24
Élxet
Pikir
Share
Print

Amérika dölet ishliri ministiri mayk pompiyo bügün xelq'ara diniy erkinlik mesilisi toghruluq élan qilghan bayanatida, erkin asiya radiyosi Uyghur bölümidiki 6 muxbirning a'ile-tawabi'atlirining xitay da'iriliri teripidin tutqun qilin'ghanliq mesilisini tilgha aldi. Uyghur rayonida nechche yüz minglighan Uyghur we bashqa musulman xelqlerning yighiwélish lagérlirida solinip yatqanliqi tilgha élin'ghan bayanatta muxbir gülchéhrening a'ile-tawabi'atidinla 23 kishining tutqunda ikenliki eskertildi we mezkur radi'odiki 6 muxbirning héchbirining tutqundiki a'ile-tawabi'atidin xewer alalmaywatqanliqi tekitlendi. Mayk pompiyo xelq'aradiki diniy rehberlerning 24 ‏-we 26 ‏-iyul arisida washin'gtondiki öz'ara uchrishish pa'aliyiti munasiwiti bilen élan qilghan bu bayanatida xitay, iran, birma, sudan qatarliq döletlerde diniy erkinlikning éghir derijide cheklimige uchrawatqanliqi, xitay bilen iranni bu zulumni derhal toxtitishqa chaqirdi. Mayk pompiyo bayanatida yene dunyadiki diniy bésim mesilisining nöwette éghir bir mesile ikenlikini, shunga dunyada awazsizlargha awaz bolush, mezlumlargha yardem qilish we diniy erkinlikke yol échishta öz meslekdashliridin yeni herqaysi dölet tashqi ishlar ministirliridin öz'ara hemkarliqini teqezzaliq bilen kütüwatqanliqini bayan qildi.

Toluq bet