Amérika awam palatasining ikki ezasi Uyghur kimlikini qoghdash qanun layihesi sun'ghan

Muxbirimiz erkin
2021-07-30
Share

Amérika awam palatasining jumhuriyetchi we démokratlardin bolghan ikki ezasi Uyghur kimlikini qoghdash toghrisida partiye halqighan yéngi bir qanun layihesi sun'ghan. Melum bolushiche, qanun layiheside "Shinjang Uyghur aptonom rayonidiki Uyghur we bashqa étnik guruppilarning perqliq kimlikini qoghdash, kishilik hoquqini qollash" telep qilin'ghan. Qanun layihesini jumhuriyetchi awam palata ezasi yong kim bilen démokratik awam palata ezasi ami béra sun'ghan.

"Uyghur siyasiti qanuni-2021" namliq bu qanun layiheside, Uyghurlarning ziyankeshlikke uchrishigha qarita xelq'araning sezgürlükini kücheytish, tashqi ishlar ministirliqigha sh u a r diki kishilik hoquq xirisigha ünümlük taqabil turush hoquqi bérish shundaqla xitayning Uyghurlarning awazini jimiqturushigha qarshi turushning etrapliq we köp tereplik istratégiyesi ‍otturigha qoyulghan.

Yong kim 29-iyul élan qilghan bu heqtiki bayanatida, "Men re'is béra bilen Uyghur siyasiti qanuni-2021 gha riyasetchilik qilip, amérikaning xitay xelq jumhuriyitining gheyriy insani mu'amilisige uchrighan Uyghur we bashqa guruppilarning négizlik kishilik hoquqini qollishi ‍üchün konkrét qedemlerni bésshigha türtke bolushtin pexirlinimen" dégen.

Awam palata ‍ezasi ami béraning éytishiche, bu qanun layihisi "Uyghurlar mesiliside organlar arisidiki hemkarliqqa kapaletlik qilip, tashqi ishlar ministirliqining mebleghni bu krizisqa ünümlük taqabil turush üchün ishlitishige kapaletlik qilish arqiliq amérikaning bu wehshiylikke qarita ‍inkas qayturushini kücheytidiken".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet