Җеннифер брайсон: "америка немә үчүн уйғурларға көңүл бөлүши керәк?"

Мухбиримиз әркин
2018-09-07
Share

Америкилиқ тәтқиқатчи җеннифер брайсон америкидики "вайтерспун институти" ниң торида мақалә елан қилип, америкиниң уйғурларға көңүл бөлүши керәклики, униң бу кризисқа сәл қариши инсанларниң изтирап чекишини вә америка истратегийәлик мәнпәәтиниң зиянға учришини кәлтүрүп чиқириши мумкинликини билдүрди.

Җеннифер брайсон "америка немә үчүн уйғурларға көңүл бөлүши керәк" сәрләвһилик мақалисидә, америкиниң уйғур районида йүз бериватқан һазирқи кризисқа диққәт қилишиниң аз дегәндә икки сәвәби барлиқини тәкитлигән.

Униң илгири сүрүшичә, буниң бири уйғур районида йүз бериватқан һазирқи кризис бир инсанпәрвәрлик трагедийәси икән. Иккинчиси, бу кризис америкиниң көп хил мәнпәәтигә четилидикән. У, "районда йүз бериватқан һадисиләрниң нәтиҗиси америкиниң хитай билән болған мунасивитигә тәсир көрситидиғанлиқини әскәртип, бу йәрдә бу тоқунушниң йәнә йәр шари характерлик "зораван ислами ашқунлуқ" ни күчәйтиветиши мумкинликини илгири сүргән.

Җеннифер брайсон 2004-2006‏-йиллири арисида америкиниң гуантанамодики тутқунлар лагерида сорақчи болуп ишлигән. У мақалисидә өзиниң уйғур мәсилиси билән гуантанамода тонушқанлиқи, гуантанамода "шәрқий түркистан ислам һәрикити" намлиқ бир "террорлуқ тәшкилати" ниң барлиқини шу йәрдә аңлиғанлиқини билдүрүп, бәзи уйғурлар бу террорлуқ тәшкилатлириға арилишип қалған болсиму, лекин америка хитайниң пүтүн уйғурларни "террорчи", дәп қаришиға йол қоймаслиқи керәкликини, чүнки хитайниң буни "шинҗаңда рәһимсизләрчә бастуруш елип беришниң рухсити" дәп қарайдиғанлиқини тәкитлигән.

Униң илгири сүрүшичә, америка уйғур мәсилисиниң мурәккәпликини көздә тутуп, уйғурларға ярдәм қилиш, шундақла өзиниң мәнпәәтини қоғдаш җәһәтләрдә бәзи тәдбирләрни елиши керәк икән. У, америка дөләт мәҗлисиниң америка тинчлиқ институтиға пул аҗритип, уйғурларға, хусусий вәқпләргә вә башқа гуруппиларға динға мунасивәтлик тоқунушларни қандақ бир тәрәп қилишни өгитиш, тарихчилар өзиниң пикирини оттуриға қоюп, җәмийәткә йол көрситиши, иҗабий йол көрсити, америкилиқларниң иҗтимаий таратқуларда бу мәсилигә пикир қатнаштуруши қатарлиқ тәклипләрни бәргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт