Америка авам палатаси уйғурлар мәсилисини өз ичигә алған "2022-йиллиқ дөләт мудапиә хам чот қануни" ни мақуллиди

Мухбиримиз әркин
2021-09-24
Share

Америка авам палатаси 23-сентәбир биләт ташлап, американиң уйғур ирқий қирғинчилиқини етирап қилишни ‍өз ичигә алған "2022-йиллиқ дөләт мудапиә хам чот қанун лайиһәси" ни мақуллиған. Мәзкур хам чот қанун лайиһәси 23-сентәбир күни авам палатасида қаттиқ муназирә қилинип, 316 авазниң қоллиши, 113 авазниң қарши туруши арқисида мақулланған. Қанун лайиһәсидә американиң 2022-йиллиқ һәрбий хам чоти 778 милярд долларға чиқирилған.

Қанун лайиһәсигә җумһурийәтчи авам палата әзаси майкел микаул тәрипидин хитайниң уйғурларға тутқан муамилисини ирқий қирғинчилиқ, дәп етирап қилиш, хитайдәк истибдат дөләтләрдики олимпик мусабиқисигә қатнишидиған америка тәнһәрикәтчилиригә кишилик һоқуқ вә шәхси мәхпийәтлик мәлумати беришни өз ичигә алған уйғурларға четишлиқ икки мадда киргүзүлгәниди. 23-Сентәбир күнидики аваз бериштә бу маддиларниң һәр ‍иккилиси бирдәк қобул қилинған.

Майкел микаулниң 23-сентәбир елан қилған бу һәқтики баянатида, "ирқий қирғинчилиқ" ни етирап қилиш маддисиниң хам чот қанун лайиһәсидә қобул қилинғанлиқини тәбрикләп, "һазир, хитай компартийәси өз дөлитидики уйғур мусулманлириға вә башқа етник вә диний аз санлиқларға тил билән тәсвирлигүсиз вәһшиликләрни қилмақта. Һәр икки партийәниң мән сунған түзитиш киргүзүш маддисини қоллиғанлиқидин иптихарлиқ һес қилдим. Ахири, бу қәбиһ хорлуқ әйнән ирқий қирғинчилиқ, дәп аталди" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт