Amérika awam palatasi Uyghurlar mesilisini öz ichige alghan "2022-Yilliq dölet mudapi'e xam chot qanuni" ni maqullidi

Muxbirimiz erkin
2021-09-24
Share

Amérika awam palatasi 23-séntebir bilet tashlap, amérikaning Uyghur irqiy qirghinchiliqini étirap qilishni ‍öz ichige alghan "2022-Yilliq dölet mudapi'e xam chot qanun layihesi" ni maqullighan. Mezkur xam chot qanun layihesi 23-séntebir küni awam palatasida qattiq munazire qilinip, 316 awazning qollishi, 113 awazning qarshi turushi arqisida maqullan'ghan. Qanun layiheside amérikaning 2022-yilliq herbiy xam choti 778 milyard dollargha chiqirilghan.

Qanun layihesige jumhuriyetchi awam palata ezasi maykél mika'ul teripidin xitayning Uyghurlargha tutqan mu'amilisini irqiy qirghinchiliq, dep étirap qilish, xitaydek istibdat döletlerdiki olimpik musabiqisige qatnishidighan amérika tenheriketchilirige kishilik hoquq we shexsi mexpiyetlik melumati bérishni öz ichige alghan Uyghurlargha chétishliq ikki madda kirgüzülgenidi. 23-Séntebir künidiki awaz bérishte bu maddilarning her ‍ikkilisi birdek qobul qilin'ghan.

Maykél mika'ulning 23-séntebir élan qilghan bu heqtiki bayanatida, "Irqiy qirghinchiliq" ni étirap qilish maddisining xam chot qanun layiheside qobul qilin'ghanliqini tebriklep, "Hazir, xitay kompartiyesi öz dölitidiki Uyghur musulmanlirigha we bashqa étnik we diniy az sanliqlargha til bilen teswirligüsiz wehshiliklerni qilmaqta. Her ikki partiyening men sun'ghan tüzitish kirgüzüsh maddisini qollighanliqidin iptixarliq hés qildim. Axiri, bu qebih xorluq eynen irqiy qirghinchiliq, dep ataldi" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet