Amérika awam palatasining ikki ezasi xitayning Uyghurlarni xorlishini tekshürüsh toghrisida qarar layihesi sundi

Muxbirimiz erkin
2022.09.26
Share on WhatsApp
Share on WhatsApp

Amérika awam palatasi “Uyghur dostluq guruppisi” ning qosh re'isliridin, jumhuriyetchi awam palata ezasi kirstofér simis bilen démokratchi awam palata ezasi tam sowazi, b d t ni xitayning Uyghurlargha yürgüzgen qorqunchluq kishilik hoquq depsendilikini tekshürüshke chaqirish toghrisida bir qarar layihesi sun'ghan.

23-Séntebir sunulghan qarar layiheside amérika tashqiy ishlar ministiri amérikaning b d t we shundaqla jenwediki bashqa xelq'araliq teshkilatlarda turushluq da'imiy wekillirige, amérikaning kishilik hoquq kéngishide turushluq da'imiy wekilige 28-séntebirge qeder mumkin bolghan eng küchlük rewishte qarar maqullap, b d t kishilik hoquq kéngishining Uyghurlar heqqide tekshürüsh élip bérishigha kapaletlik qilish toghrisida yolyoruq bérishke chaqirilghan.

Qarar layiheside, “Amérikaning b d t da zörür bolghan diplomatik qanallirini ishlitip, bundaq bir qararni élinishi üchün küch chiqrishi”, “Kishilik hoquq kéngishining musteqil tekshürüsh komitéti qurup, kishilik hoquq aliy komissariyati ishxanisining doklatida qeyt qilin'ghan hadisilerni tekshürüshige kapaletlik qilishi” telep qilin'ghan. Melum bolushiche, awam palata ezasi tam sowazi mundaq dégen: “Biz xitay kompartiyesining Uyghurlargha qilghan dehshetlik mu'amilisini jawabkarliqqa tartishta dawamliq barliq amallarni ishqa sélishimiz kérek”. Awam palata ezasi simis: “B d t ning yéqinda élan qilghan doklatida kommunist xitayning kishilik hoquqqa éghir dexli-teruz qilishta, eng bolmidi dégendimu dunya jama'itining nezeride insaniyetke qarshi turush jinayiti sadir qilishta jinayetchi ikenlikini körsitip berdi” dégen.

Melum bolushiche, awam palata ezasi simis tam sowazi bilen birliship bu qarar layihesini sunushtin ikki kün awwal, aqsarayning aldida achliq élan qilghan Uyghurlar bilen körshken. U: “Biz bu wehshiylik toghrisida choqum küchlük sözlishimiz we b d t da sözimizni heriketke aylandurushimz kérek” dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.