Uniwérsitét oqughuchisi mektepdashlirini Uyghurlar üchün herketke ötüshke chaqirdi

Muxbirimiz jüme
2020.09.27

Amérikadiki wiskonsin uniwérsitéti oqughuchisi maqale élan qilip, mektepdashlirini xitay hökümiti Uyghurlar üstidin yürgüzüwatqan jinayetlerge qarshi herketke ötüshke chaqirdi.

Iyan maykl griffn isimlik oqughuchi mektep gézitide élan qilghan maqaliside, dunya we amérikida nurghunlighan mesililerning mewjutluqini, emma ötken 20 yildin buyan Uyghur diyarida dawam qiliwatqan derijidin tashqiri éghir insaniy jinayetlerning köpligen amérikiliqlargha natonush ikenlikni bildürdi.

U mundaq dédi: “Mustebit xitay hökümiti bir milyondin artuq Uyghurni, yeni xitaydiki musulman milletni qolgha aldi we ularni irqiy qirghinchiliqni nishanlap, sewebsizla jaza lagérlirigha qamidi.”

U, wiskonsin uniwérsitéti oqughuchilirining kishilik hoquq we adalet üchün her zaman otturigha chiqip kelgenlikni, shunga bu nöwet Uyghurlar üchünmu otturigha chiqirishning zörürlükini bildürdi.

U mundaq dédi: “Eger siz wiskonsin uniwérsitéti oqughuchiliri ilgiri bashqa adaletsizliklerge nepret bildürgendekla, bu adaletsizliklergimu ghezeplen'gen bolsingiz sépimizge qoshulung.”

U yene uniwérsitét oqughuchilirini hökümet rehberliridin Uyghurlargha qandaq yardem qilish toghruluq so'al sorashqa, imza toplashqa, namayishlarni teshkilleshke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.