Америка соти шинҗаңдики паалийити сәвәблик "қара тизимлик" кә елинған ескуйл тоқумичилиқ гуруһиниң әрзини рәт қилған

Мухбиримиз әркин
2021-10-08
Share

Американиң вашингтон районлуқ федерал соти уйғур елидики паалийити сәвәблик америка сода министирлиқиниң "қара тизимлики" гә елинған хоңкоң "ескуйл тоқумичилиқ гуруһи" ниң "қара тизимлик" тин чиқириветиш әрзини рәт қилған. Мәлум болушичә, сотчи реге валтон 6-өктәбир чиқарған һөкүмидә ескуел гуруһиниң бу давада ‍уталмайдиғанлиқи, чүнки у америка сода министирлиқиниң һоқуқидин һалқип һәрикәт қилғанлиқини көрситип берәлмигәнликини ейтқан.

Ескуйл гуруһи 2020-йили сабиқ тарамп һөкүмити тәрипидин униң санҗидики ширкитиниң уйғурларни мәҗбурий әмгәккә салғанлиқи сәвәблик америка сода министирлиқиниң "қара тизимлики" гә киргүзүлгән. Ескуйл гуруһи буниңға қарши вашингтон районлиқ федерал сот мәһкимисигә әрз қилған.

"җәнубий хитай әтигәнлик почтиси" гезитиниң хәвиридә ейтилишичә, сотчи реге валтонниң қарари ескуйлниң әрзиниң ахирқи хуласиси болмисиму, бирақ бу униң санҗидики тармақ ширкитигә қаттиқ зәрбә икән. Чүнки у бир йилдин бери найке, патагонийә, томий һелфигер қатарлиқ даңлиқ хәлқара чөпқәтлирини мал билән тәминләшкә амалсиз қалған.

Америка һөкүмити өткән йили ескуйлниң америка ширкәтлири билән сода қилишини чәклигән. Ескуйлниң санҗидики завути әйни чағда "қара тизимлик" кә елинған уйғур елидики мәҗбурий әмгәккә четишлиқ 11 ширкәтниң бири болған. Америка сода министирлиқи шу йили 7-айда йәнә 14 ширкәтни уйғурларниң кишилик һоқуқини дәпсәндә қилишта ойниған роли сәвәблик "қара тизимлик" кә киргүзгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт