Nottingxam uniwérsitétida Uyghurlarning weziyiti heqqide muhakime yighini ötküzülmekchi

Muxbirimiz sada
2018.10.23

En'gliyediki nottingxam uniwérsitéti asiya tetqiqati institutida mushu peyshenbe küni, yeni 25-öktebir Uyghur diyaridiki Uyghurlarning zor kölemde tutqun qilinish mesilisi heqqide muhakime yighini ötküzülidiken.

Bu uchur tünügün, yeni 22-öktebir “Nottingxam siyasiti” namliq twittir bétide tarqitilghan. Uchurdin melum bolushiche, mezkur muhakime yighinigha herqandaq kishi qatnashsa bolidiken. Yighinda söz qilghuchi méhmanlar qatarida london uniwérsitétidin Uyghur sen'iti we medeniyiti tetqiqatchisi rachil xerris, en'gliye niyukasil uniwérsitétining xitayshunasliq we Uyghurshunasliq boyiche mutexessisi jo simit finléy we amérikidiki loyala uniwérsitétidiki Uyghur tarixi boyiche tetqiqatchi rayin sam qatarliqlar alahide teklip qilinidiken.

Buningdin bashqa yene bügün, yeni 23-öktebir nyu-york uniwérsitéti qanun fakultétida “Xeter astidiki edibler” tori uyushturidighan dunyaning herqaysi jayliridiki aliy melumatliq ziyaliylarning nöwettiki qiyin weziyiti heqqidiki yilliq doklatini élan qilish pa'aliyiti ötküzülidiken. Pa'aliyette Uyghur kishilik hoquq qurulushi diréktori ömer qanat ependi Uyghur ziyaliyliri heqqide muhim söz qilidiken.

Közetküchilerning analiziche, Uyghur xelqi, bolupmu Uyghur ziyaliyliri xitay hökümiti teripidin qattiq qiyin qistaqlargha éliniwatqan mushundaq bir peytte, yuqiriqidek yighin we pa'aliyetlerning köplep échilishi dunyagha Uyghur weziyitini téximu roshen tonutushta intayin muhim ehmiyetke ige iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.