Америкадики радикал солчиларниң уйғурларға зиянкәшлик қилиниватқанлиқини инкар қилиши тәтқиқатчиларниң қаттиқ тәнқидигә учриди

Мухбиримиз әркин
2020-10-23
Елхәт
Пикир
Share
Принт

35 Нәпәр хәлқаралиқ илмий тәтқиқатчи бирләшмә имзалиқ хәт йезип, ню-йорктики «айлиқ тәқриз» журнилиниң йеқинда хитайниң уйғурларға зиянкәшлик қиливатқанлиқи инкар қилинған бир мақалә елан қилғанлиқини тәнқид қилған. «Кода сторий «намлиқ торниң хәвәр қилишичә, бирләшмә имзалиқ хәттә» айлиқ тәқриз «журнилиниң мақалисидики» агнотисизмни қоюп турған тәқдирдиму, униң уйғур хәлқиниң һәқ-һоқуқи дәпсәндә қилинивақанлиқини инкар қилишиниң чөчүтәрлик икәнлики «көрситилгән. Сотсиялистик сол пикир еқимидики мәзкур жорнал йеқинда» хитай дүшмәнлики: хитайға қарши санаәт бағчи «мавзулуқ мақалә елан қилған.

Мақалидә, җаза лагерлириниң мәвҗутлуқи, хитайниң уйғурларға зиянкәшлик қиливатқанлиқи инкар қилинип, буни дөләтлик демократийә тәрәққият фонди вә мәркизий истихбарат идарисиниң тоқуп чиқарғанлиқи илгири сүрүлгән. Лекин 35 нәпәр хәлқаралиқ тәтқиқатчи хетидә,» йиғиливелиш лагерлири тоғрисидики параңниң дөләтлик демократийә тәрәққият фонди вә мәркизий истихбарат идариси тоқуп чиқарған әпсанә болуп қелишини үмид қилидиғанлиқи «, лекин униң» ундақ әмәслики «ни билдүргән. Уларниң тәкитлишичә, хитайниң ашқунлуқни түгитиш һәрикити американиң террорлуққа қарши һәрикитиниң» қәстән бурмиланған шәкли «икән.

Улар хетидә, хитайниң уйғурларни кәң көләмлик тутқун қилип, лагерлар торини қуруп чиққанлиқи, мәҗбурий әмгәк вә аилиләрни айривәткәнлики,» капиталниң кеңәймичилики вә йәрлик хәлқләрниң зиянкәшликкә учриши солчиларға узундин бери мәлум болған мәсилә болсиму, лекин бу вәқәдә уни етирап қилмаслиқ, тәнқид қилмаслиқ униңға қәстән көз юмушниң бир хил шәкли «икәнликини билдүргән. Мәлум болушичә, бу хәтни сидней университетиниң профессори дәйвид брофий қатарлиқ тәтқиқатчилар язғаникән.

Пикирләр (0)
Share
Толуқ бәт