Amérikadiki radikal solchilarning Uyghurlargha ziyankeshlik qiliniwatqanliqini inkar qilishi tetqiqatchilarning qattiq tenqidige uchridi

Muxbirimiz erkin
2020-10-23
Share

35 Neper xelq'araliq ilmiy tetqiqatchi birleshme imzaliq xet yézip, nyu-yorktiki "Ayliq teqriz" zhurnilining yéqinda xitayning Uyghurlargha ziyankeshlik qiliwatqanliqi inkar qilin'ghan bir maqale élan qilghanliqini tenqid qilghan. "Koda storiy "Namliq torning xewer qilishiche, birleshme imzaliq xette" ayliq teqriz "Zhurnilining maqalisidiki" agnotisizmni qoyup turghan teqdirdimu, uning Uyghur xelqining heq-hoquqi depsende qiliniwaqanliqini inkar qilishining chöchüterlik ikenliki "Körsitilgen. Sotsiyalistik sol pikir éqimidiki mezkur zhornal yéqinda" xitay düshmenliki: xitaygha qarshi sana'et baghchi "Mawzuluq maqale élan qilghan.

Maqalide, jaza lagérlirining mewjutluqi, xitayning Uyghurlargha ziyankeshlik qiliwatqanliqi inkar qilinip, buni döletlik démokratiye tereqqiyat fondi we merkiziy istixbarat idarisining toqup chiqarghanliqi ilgiri sürülgen. Lékin 35 neper xelq'araliq tetqiqatchi xétide," yighiliwélish lagérliri toghrisidiki parangning döletlik démokratiye tereqqiyat fondi we merkiziy istixbarat idarisi toqup chiqarghan epsane bolup qélishini ümid qilidighanliqi ", lékin uning" undaq emesliki "Ni bildürgen. Ularning tekitlishiche, xitayning ashqunluqni tügitish herikiti amérikaning térrorluqqa qarshi herikitining" qesten burmilan'ghan shekli "Iken.

Ular xétide, xitayning Uyghurlarni keng kölemlik tutqun qilip, lagérlar torini qurup chiqqanliqi, mejburiy emgek we a'ililerni ayriwetkenliki," kapitalning kéngeymichiliki we yerlik xelqlerning ziyankeshlikke uchrishi solchilargha uzundin béri melum bolghan mesile bolsimu, lékin bu weqede uni étirap qilmasliq, tenqid qilmasliq uninggha qesten köz yumushning bir xil shekli "Ikenlikini bildürgen. Melum bolushiche, bu xetni sidnéy uniwérsitétining proféssori deywid brofiy qatarliq tetqiqatchilar yazghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.