Amérikadiki eng chong quyash énérgiyesi soda teshkilati amérika shirketlirini Uyghur élidin chékinip chiqishqa chaqirghan

Muxbirimiz erkin
2020-10-23
Share

Amérikadiki eng chong quyash énérgiyesi sodisi teshkilati amérika karxanilirini kishilik hoquq depsendichiliki tüpeyli Uyghur élidin chékinip chiqishqa chaqirghan. Melum bolushiche, dunya quyash énérgiye taxtisi bazirining 90 mehsulatini xitay teminleydighan bolup, uninggha kétidighan krimnéy qétishmisining 65% Uyghur élide chiqidiken. Yéqinda Uyghur élidiki bir xitay quyash énérgiye taxtisi zawutida partlash yüz bérip, dunya quyash énérgiye taxtisi bazirida dawalghush peyda qilghan. Bu xelq'ara quyash énérgiyesi shirketlirini jiddileshtüriwetkenidi.

Amérika "Blumbérg xewerliri" agéntliqining bildürüshiche, amérikadiki "Quyash énérgiye sana'iti jem'iyiti" ning mu'awin prézidénti jon smirnof 22-öktebir bayanat élan qilip, "Sana'et mehsulati bilen teminliguchilerning kishilik hoquq depsendichilikige ishtirak qilishigha yol qoymaydighanliqi" ni bildürgen. U "Biz kishilik hoquq depsendichilikining yirginchlik ikenlikige éniq chüshenchide bolushni telep qilimiz" dégen. 

Jon smirnofning bayanati "Kapital rot" namliq bazar analiz shirkiti quyash énérgiyesi sana'itining "Shinjang bilen bolghan baghlinishi seweblik kashiligha uchrash xewpi artqanliqi" ni ilgiri sürüp arqisidinla élan qilindi. "Blumbérg xewerliri" ning tekitlishiche, jon smirnof, quyash énérgiyesi sana'iti jem'iyitining quyash énérgiyesi taxtilirini shinjangda ishlepchiqarmasliq, ishlepchiqirilsa mejburiy emgektin xali bolush heqqidiki bir kélishim teyyarlawatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.