Mayk pompéyo hindonéziyeni Uyghurlar uchrawatqan zulumgha qarshi turushqa chaqirdi

Muxbirimiz irade
2020-10-29
Share

Amérika tashqi ishlar ministiri mayk pompéyo hindonéziyede Uyghurlar üchün sözlidi. U hindonéziyege qilghan resmiy ziyariti mezgilide hindonéziyeliklerni xitay hökümitining Uyghurlargha qiliwatqan mu'amilisige qarshi turushqa chaqirghan.

"Wal-strit zhurnili" gézitining xewer qilishiche, pompéyo bu sözlerni 29-öktebir küni sherqiy-jenubiy asiya döliti bolghan hindonéziyediki bir musulman yashlar teshkilatida nutuq sözligende qilghan. U mundaq dégen: "Men xitay kompartiyesining hindonéziyeliklerni musulman qérindashliri uchrawatqan zulum bilen kari bolmasliqqa chaqirghanliqini bilimen, ularning silerge Uyghurlarning qaltis xushal yashawatqanliqini teshwiq qilghanliqinimu bilimen. . . Emma mushundaq munazirilerni anglighiningizda pakitni peqet qelbingizdin izdeng. Pakitqa qarang, lagérdin qutulup chiqqanlarning kechmishliri we ularning a'ile-tawabi'atlirigha yüz bergenlerni anglang."

Mayk pompéyo sözide yene mundaq dégen: "Biz ramazanda Uyghur musulmanlirini choshqa göshi yéyishke mejburlashning we ularning qebristanliqlirini weyran qilishning térrorluqqa qarshi turush bilen alaqisi yoqluqini bilimiz."

Hindonéziye musulman nopusi köp sanliqni igileydighan dölet bolup, bu dölettiki ammiwi teshkilatlar ilgiri Uyghurlar üchün heriketlen'gen, biraq xitay hökümiti ötken yili hindonéziye ölimalar kéngishige tewe nahdlatul ulimaliri we muhemmediye mezhipining diniy rehberlirini teshkillep. Xitaydiki lagérlarni ziyaret qildurghandin kéyin, ularning meydanida özgirish bolghan. Ular hetta gherb metbu'atlirini "Xata melumat bergen" dep eyi'iblgen idi. Hindonéziye hökümet da'iriliri bolsa Uyghur élidiki lagérlar mesiliside ipade bildürmigen.

Hindonéziye tashqiyi ishlar ministirliqining bayanatchisi téku fayzasya pompéyo ependining bayanliridin kéyin muxbirlarning bu heqtiki so'aligha duch kelgen. U buninggha: "Hindonéziye shinjangdiki musulmanlarni öz ichige alghan az sanliq milletlerning hoquqini qoghdash we ilgiri sürüshning muhimliqini ilgiri xitaygha eskertkenliki" ni bildürgen. U yene: "Hindonéziye xitayni ochuq-ashkara bolushqa we shinjanggha erkin bérip kélishke yol qoyushqa chaqiridu. Hindonéziyelikler u yerdiki özgirishlerni közitish we chüshinishni xalaydu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet