Amérika tashqiy ishlar ministérliqining bayanatchisi xitay hökümitini Uyghurlargha qaritiwatqan jinayetlirini ayaqlashturushqa chaqirdi

Muxbirimiz irade
2021-11-10
Share

Amérika tashqiy ishlar ministirliqining bayanatchisi néd prays xitay hökümitini Uyghurlargha qaritiwatqan jinayetlirini ayaqlashturushqa chaqirdi.

U "Amérika yehudiy qirghinchiliqi xatire muzéyi" ning Uyghurlar toghrisidiki mexsus doklatining élan qilinish munasiwiti bilen yuqiriqi chaqiriqni élan qilghan bolup, tiwittérdiki resmiy hésabida mundaq dégen:

"Biz 'amérika yehudiy qirghinchiliqi xatire muzéyi' ning chaqiriqigha awaz qoshimiz. Xitay xelq jumhuriyiti shinjangdiki Uyghurlargha we bashqa az sanliq millet ezalirigha qaratqan insaniyetke qarshi jinayi qilmishlirini toxtitishi kérek."

Amérika tashqiy ishlar bayanatchisi néd prays yene "Yehudiy qirghinchiliqi xatire muzéyi" ning simon-skjod irqiy qirghinchiliqning aldini élish tetqiqat merkizi élan qilghan doklatni hembehirligen.

Mezkur organ 9-noyabir küni "Bizni asta-asta yoqatmaqchi: xitay hökümitining Uyghurlargha qaratqan hujumi" mawzuluq mexsus doklatini élan qilghan. Ular doklatida toplan'ghan pakitlar asasida xitay hökümitining Uyghurlargha irqiy qirghinchiliq yürgüzüatqan bolushi mumkinlikini, Uyghurlargha qaritiliwatqan insaniyetke qarshi jinayetning kölimi we derijisining ilgirikidinmu kücheygenlikini bildürgen.

Irqiy qirghinchiliqning aldin élish tetqiqat merkizining mudiri na'omi kikolér axbarat yighinida: "Xitay hökümiti Uyghurlarning meniwiy dunyasi we medeniyitini yoq qilishqa urundi, bügün biz xitayning Uyghurlarni pütünley yoq qilmaqchi boluwatqanliqidin endishe qiliwatimiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet