Sénator koriy gardnér amérika hökümitini Uyghurlargha yardem bérishke chaqirdi

Muxbirimiz irade
2018-12-20
Élxet
Pikir
Share
Print

Amérika kéngesh palata ezasi koriy gardnér amérika hökümitini derhal tedbir élip Uyghurlargha yardem bérishke chaqirdi.

Sénator koriy gardnér charshenbe küni élan qilghan bayanatida xitay hökümitining Uyghur élide yürgüzüwatqan siyasetlirini "Qobul qilghusiz we yawayilarche" dep teswirligen. U xitayning bu siyasetlerning hazirqi medeniyetlik dunyaning normlirigha we kishilik hoquqqa qiliniwatqan éghir haqaretligini bildürgen.

U bayanatida amérika hökümitini derhal tedbir élishqa, Uyghurlargha yürgüzülüwatqan insan heqliri depsendichilikide rol éliwatqan xitay hökümitining emeldarlirini jazalashqa chaqirghan.

Melum bolushiche, sénator koriy gardnér 12-dékabir küni xitayning amérikida turushluq bash elchisi süy tyenkey bilen körüshüp, xitay hökümiti yürgüzüwatqan insan heqliri depsendichiliklirini qattiq tenqid qilghan iken.

19-Öktebir küni amérika dölet mejlisi ezaliridin marko rubiyo we kiris simislarmu bayanat élan qilip, Uyghur musulmanlirigha yürgüzülüwatqan dinsizlashturush siyasetlirini shundaqla "Yépiq terbiye" lagérlirini qattiq eyibligen idi.

Toluq bet