Amérikidiki xristi'an we yehudiy jama'itining dini teshkilatliri "Qayta terbiye" lagérlirini taqashni telep qildi

Muxbirimiz irade
2018-12-20
Élxet
Pikir
Share
Print

Amérikidiki dini organlar xitay hökümitining Uyghur élidiki siyasetlirige qarita endishilirini bayan qilmaqta.

17-Dékabir küni, amérikidiki xristi'an rehberler mejlisining re'isi, xelq'ara diniy erkinlik komitétining komissari jonni mor shundaqla natsistlar lagéridin qutulup chiqqan bir yehudiy pa'aliyetchi teripidin 1918-qurulghan chong teshkilatlardin simon wéysantal merkizi, dunyawi ijtima'iy heriket bölümining mu'awin mudiri rabbi abraham kupér birlikte xitay prézidéntigha ochuq xet yézip, uni xitaydiki musulmanlar we xristi'anlargha qaratqan ziyankeshlikini toxtitishqa chaqirghan.

"Xewer heptiliki" gézitide élan qilin'ghan mezkur ochuq xette ular Uyghur élide yolgha qoyuluwatqan "Qayta terbiye" lagérlirini tilgha élip, xitay hökümitini uning aqiwiti heqqide agahlandurghan. Ular yene mundaq dégen:

"Heqiqiy bir medeniy jem'iyet berpa qilish peqetla béyish, ilghar pen-téxnikigha ige bolush we yaki qudretlik bolush bilenla ishqa ashmaydu. Eger bir dölette din'gha ishen'güchi amma bésimgha uchraydiken, u halda u dölet meyli chong bolushi yaki kichik bolushidin qet'iynezer, uning özini qudretlik yaki bir bashlamchi dölet dep atash salahiyiti yoq."

Ular mektupida eskertip, "Xitay qachan öz dölitide perqlerge, köp xilliqqa ochuq bolghandila andin dunyadiki yétekchi dölet bolalaydu," dégen we shi jinpingni puqralarning dini hoquqlirigha hörmet qilishqa chaqirghan.

Toluq bet