Көплигән америкалиқлар хитайни әң чоң дүшмән дәп қарайдикән

Мухбиримиз җәвлан
2021-03-17
Share

"фокс сода хәвәрлири" ториниң 16-март елан қилған бир хәвиридә ейтилишичә, америкада әл райини тәкшүрүштин чиққан әң йеңи нәтиҗә шуни көрсәткәнки, көплигән америкалиқлар хитайни әң чоң дүшмән қарайдикән. Чүнки хитайдин таралған корона вируси бу икки дөләтниң мунасивитини ғайәт зор дәриҗидә яманлаштурувәткән.

Хәвәрдә көрситилишчә, 45 пирсәнт америкалиқ хитайни әң чоң тәһдит дәп қарайдикән. Бу өткән йил шундақ дәп қариған 22 пирсәнт америкалиқниң икки һәссисигә тоғра келидикән. 2019-Йилниң ахирида хитайдин тарқалған корона вируси америкада 500 миңдин көп адәмниң җениға замин болғандин кейин, америка хәлқиниң хитайға болған нәпрәт вә дүшмәнлики барғансери күчийип кәткән.

Корона вирусидин башқа йәнә, хитайниң америкадин пайдилинишнила көзлигән ташқи содиси, уйғурларни қәбһи усулда бастуруши, хоң коңниң алий аптономийәсини йоқ қилиши вә районлар ара елип барған зомигәрлик сиясити америка һөкүмити вә америка хәлқиниң наразилиқини күчәйткән.

Анализчиларниң қаришичә, байдин һөкүмити хитай билән болидиған ташқи сияситидә хәлқ райини нәзәрдин сақит қилалмайдикән. Америка ташқи ишлар министири антони билинкен "американиң 21-әсирдә йүзлинидиған әң чоң гио-сиясий синиқи хитайға қандақ тақабил туруш; хитай һазир иқтисад, дипломатийә, һәрбий күч вә техника җәһәттин күчләнгән, биз үмид қилған дуняви тәртип вә қиммәт қарашқа еғир тәһдит келиватқан бирдинбир дөләт" дәп ейтқан болуп, хитайниң бу тәһдитини түгитип дуняви тәртипни әслигә кәлтүрүш америка хәлқи вә америка һөкүмити үчүнму тәхирсиз мәсилә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт