Amérika xitaygha jasusluq qilghan bir xitayni sotqa tartti

Muxbirimiz erkin
2017-09-01
Élxet
Pikir
Share
Print

Amérikining ténnéssi shtatidiki bir fédératsiye sot mehkimisi peyshenbe küni amérika tewelikidiki bir xitayni xitaygha amérika yadro téxnikisini qanunsiz toshighan, dep eyiblep 2 yilliq qamaq jazasigha höküm qildi.

Firansiye agéntliqining xewer qilishiche, xé zéshyong isimlik bu xitay teywende tughulghan bolup, amérika wetendashliqigha ötken. U, bu yil 1‏-ayda özining jinayitini iqrar qilghan.

Fédératsiye sot mehkimisi yene bu yil 66 yashliq xé zéshyongni qamaq jazasidin kéyin bir yil nezerbend astida yashashqa we 20 ming dollar jerimane töleshke buyrughan.

Amérika edliye ministirliqi dölet xewpsizlik ishlirigha mes'ul bölümining bashliqi dana bo'énti bayanatida, "Bügün, xé zéshyong bir amérika yadro mutexessisi bolush süpiti bilen xitayda dölet igilikidiki xitay yadro éléktr shirkitining alahide yadro matériyallirini tereqqiy qildurushi we ishlepchiqirishigha yardem bérishidek qilmishini jawabkarliqqa tartildi" dégen.

Amérika teptish da'irilirining körsitishiche, xé zéshyong 1997‏-yildin 2016-yilghiche bolghan ariliqta amérikiliq qurulush inzhénérlirini ishqa élish qatarliq yollar bilen xitayning ilghar tipliq yadro ré'aktor qazanlirini layihe we ishlepchiqirishigha yardem qilghan.

U, 2016‏-yili 4‏-ayda qolgha élinip, xitayning amérikida qurghan jonggu'ang éléktr guruhi shirkiti qatarliqlar bilen teng eyiblen'gen idi.

Toluq bet