Америка университетлириға сахтилиқ билән киргән хитай оқуғучилар қолға елинған

Мухбиримиз ирадә
2017-05-04
Share

Америкида 4 нәпәр хитай оқуғучи имтиһанда сахтилиқ ишлитип, университетқа киргәнлики ашкарилинип қолға елинған.

Ройтерсниң хәвиридин қариғанда, америкида оқуйдиған ваң йө исимлик хитай оқуғучи қалған үч нәпәр хитай оқуғучиниң орниға инглизчә синақ имтиһани «тофел» ға киргән вә улардин 7000 доллар әтрапида пул алған. Җаң шикүн, хуаң лейи вә чең шявмиң исимлик бу 3 хитай оқуғучи сахта имтиһан номури сайисидә америкиниң шәрқий шимал университети пен штатлиқ университети вә аризона штатлиқ университетлириға қобул қилинип, оқуғучилиқ визисиға еришкән.

Бирақ, улар сахтипәзлики ашкарилинип қалғандин кейин, шу җайдики сақчи органлири тәрипидин қолға елинған. Америка массачусетс районлуқ сотниң сотчиси вилям вейнреб баянатида, бу оқуғучиларниң сахтилиқ ишлитиш арқилиқ америка университетлириға кирип, бу орунға лайиқ болған башқа оқуғучиларниң пурситини тартивалғанлиқини ейтқан вә буниң америкиниң алақидар қанунлириға хилаплиқини билдүргән.

Мәлум болушичә, америкида оқуш үчүн кәлгән хитай оқуғучиларниң сани қисқа вақит ичидә шиддәт билән өрлигән болуп, пәқәт 2015-2016-йиллиқ оқуш мәвсуми ичидила америкиға кәлгән хитай оқуғучи сани 136 миңға йеқин икән. Ройтерсниң ейтишичә, юқиридикигә охшайдиған вәқә 2015-йилидиму йүз бәргән болуп, у йили 15 нәпәр хитай оқуғучи имтиһанда сахтилиқ қилғанлиқи үчүн қолға елинған икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт