Amérika türkiye bilen xitay –türkiye bashqurulidighan bomba sodisi heqqide söhbet ötküzgen

Muxbirimiz jüme
2013.11.02

Amérikining türkiyede turushluq elchixanisining ashkarilishiche, amérika dölet mudapi'e ministirlikidiki bir yuqiri derijilik xadim türkiye terep bilen xitay - türkiye bashqurulidighan bomba qalqan sistémisi sodisi heqqide söhbet ötküzgen.

Amérika elchixanisining shenbe küni bergen bu heqtiki bayanatigha qarighanda, amérikaning mu'awin dölet mudapi'e ministiri jim millér türkiyede mexsus ziyarette bolghan. U türkiye terep bilen amérika - türkiye mudapi'e munasiwetliri, süriye kirzisi we ikki döletning shimaliy atlantik ehdi teshkilati ittipaqdashliqi qatarliq témilar üstide söhbetleshken. Xitay - türkiye bashqurulidighan bomba qalqan sistémisi sodisi söhbetning muhim mezmuni bolghan.

Türkiye uzun musapilik bashqurulidighan bomba qalqan sistémisi qurulushini xitaydiki bir shirketke höddige béridighanliqini jakarlighandin kéyin, mezkur soda kélishimi amérikining diqqitini qozghighan. Melum bolushiche, türkiye yuqiriqi qurulushni höddige bergen xitayning nazuk eswablar éksport - import shirkiti amérika hökümiti soda cheklimisi qoyghan shirket iken.

Shu munasiwet bilen amérika türkiyening mezkur sodidiki tallishigha so'al qoyghan. Türkiye terep soda kélishimini yene oylishidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.